Obama sei la partisipa iha Muhammad Ali nia funeral

Serimónia funeral hosi lendáriu boxeadór akontese iha momentu hanesan ho prezidente Estadus Unidus nia oan-feto nia graduasaun.

 

AFP Photo@ Jason Redmond



Prezidente Estadus Unidus nian, Barack Obama, sei la partisipa iha funeral hosi lenda boxe Muhammad Ali nian, ne'ebé marka ba loron-sesta, tanba koinsidi ho serimónia graduasaun hosi nia oan-feto Malia, fó sai hosi White House.

Konselleira prezidensial Valerie Jarret maka sei reprezente Obama no sei le karta ida hosi Prezidente norte-amerikanu no hosi nia feen, Michelle.

Muhammad Ali mate ona iha loron-sesta liubá ho tinan 74.

Funeral sei hala'o iha Louisville, iha sidade ne'ebé Muhammad Ali moris, iha Estadu Kentucky, konfirma ona prezensa hosi figura koñesidu sira hanesan antigu prezidente norte-amerikanu Bill Clinton ka atór Will Smith, ne'ebé iha sinema kaer ona papel nu'udar Ali, ne'ebé uluk sai kampeaun mundial dalan tolu iha kategoria pezu todan sira no ativista ba direitu ema sira nian.

Tuir porta-vós hosi família, Bobo Gunnell, "xefe Estadu oioin" sei marka prezensa iha Ali nia funeral tanba konsidera hanesan pujilista koñesidu liu iha istória.

@SAPO Desporto