Copa América 2019 sei hala’o iha Brazil

Kompetisaun ne’e sei hala’o hikas iha Brazil, hafoin realiza tinan 30 liu ba, iha tinan 1989, bainhira ‘canarinhos’ maka sai manan na’in.


Estádio Maracanã, Rio de Janeiro                                               Foto: AFP

 

Brazil sei organiza Copa América futeból iha 2019, tuir informasaun hosi prezidente Conmebol, paraguai-oan Alejandro Domínguez.

 

“Estadus Unidus sira hanesan sede ne’ebé furak demais, liu fali Chile iha tinan kotuk no iha 2019 sei hala’o iha Brazil”, dehan ema ne’ebé jere futeból sul-amerikanu, dehan durante entrevista ba site ne’ebé jere futeból sul-amerikanu ne’e.

 

To’o oras ne’e, Copa América hala’o dahaat ona iha Brazil, espesialmente iha tinan 1919, 1922, 1949 ho 1989, no edisaun hothotu manan hosi ekipa uma-na’in.

 

Copa América Centenário, ne’ebé kompemora tinan kompetisaun ba 100, oras ne’e daudaun hala’o iha Estadus Unidus, no foin maka la halo iha Amérika Sul.

 

“Ema hothotu akompaña ho di’ak, tanba ne’e maka futeból sai nu’udar espetákulu ida no ha’u hein katak, ho sira ne’ebé hadau-malu, buka atu aumenta nivel no bele hatudu buat di’ak ba ema hothotu”, nia hakotu.

 

SAPO TL ho SAPO Desportu