Iniesta hatete katak Barcelona iha époka ida "magnífiku"

'Kapitaun'  hosi klube catalão koa’lia ba imprensa hafoin vitória iha finál Taça do Rei.


Foto: JAVIER LIZON / EPA

 

‘Kapiaun’ FC Barcelona, Andres Iniesta, konsidera iha domingu ne’e, hafoin konkista Taça do Rei futeból Espanha, ho vitória 2-0 hasoru Sevilha, iha Madrid, ne’ebé halo époka ekipa catalã sai  “magnífiku” tebes.

 

“Ami realiza époka ida magnífiku”, afirma Andres Iniesta, hafoin hi’it Taça do Rei, iha Vicente Calderón, troféu ne’ebé hamutuk ho Liga, Supertaça Europeia no Mundiál Klube.

 

Tuir ‘kapitaun’ ekipa catalã ne’e, troféu ne’ebé sofre liu maka ida ohin, hasoru Sevilha, vensedór Liga Europa dalatolu tutuir malu, tamba iha oras ida nia-laran  ami joga ho nain sanulu.

 

“Ho nune’e kapás tebes bainhira manán ho forma hanesan ne’e. Menus jogadór  ida sempre halo falta. Difísil tebes, maibé ekipa halo jogu ida di’ak no merese tama ba prolongamentu ho  forma hanesan”, nia haktuir.

 

Forsa iha kampo hanesan hafoin espulsaun ba arjentinu Banega, iha períodu deskontu, ne’ebé maka halo  FC Barcelona no Sevilha hahú  prolongamentu ho elementu 10.

 

“Difísil tebes atu konkista títulu ida ne’e no importante atu kontinua haboot klube ida ne’e”, haktuir  Iniesta no hatutan tan katak  futuru sei metin, tamba klube iha plantel ho kualidade, ne’ebé sei garante susesu di’ak liu tan.

 

SAPO TL ho SAPO Desportu