Tottenham: Pochettino renova to’o 2021

Treinadór arjentinu Mauricio Pochettino renova kontratu ho Tottenham to’o 2021.


Foto: EPA/KIERAN GALVIN

 

Treinadór Tottenham nian, arjentinu Mauricio Pochettino, prolonga ninia vínkulu kontratuál ho klube londrino to’o 2021, anunsia ohin hosi emblema futeból liga ingleza.

 

Mauricio Pochettino, tinan 44, to’o iha Tottenham hosi Southampton, 2014, no iha époka ne’e luta maka’as tebes ba títulu inglés nian, ne’ebé ikus mai entrega ba Leicester, ne’ebé husik ‘spurs’ dezde 1961.

 

Hamutuk  ho treinadór arjentinu ne’e, hetan ona akordu ba nia vínkulu kontratuál ho klube to’o 2021 ho ninia adjuntu sira hanesan Jesus Perez, Miguel D’Agostino no Toni Jimenez.

 

“Labele kontente liu tamba assina ona kontratu foun”, hatete Mauricio Pochettino, iha deklarasaun ne’ebé publika iha pájina ofisiál Tottenham iha rede sosiál Twitter.

 

Pochettino fó sai ona iha semana rua liubá katak iha ona akordu hoTottenham, maski  rumores liga ba iha Manchester United, tamba, tuir treinadór ne’e, hanesan  desizaun ida  fásil liu atu foti, tantu ba nian hanesan moos ekipa téknika.

 

Treinadór ne’e sai hanesan xave ida iha revitalizasaun klube nian, ho aposta ba talentu foin sa’e sira, hanesan Harry Kane, Dele Alli no Eric Dier (eis-Sporting), ne’ebé  assegura fatin ida iha Liga Campeões 2016/17, buat ida ne’ebé nunka  akontese dezde 2010/11.

 

SAPO TL ho SAPO Desportu