Nani lakohi ba Xina maibé karik bele bá Madrid

Extremo iha Fenerbahçe ne’e rejeita proposta hosi klube xinés ida.


Foto: Hugo Delgado/Lusa

 

Portugés Nani, ne’ebé reprezenta Fenerbahçe, lakohi ba kampeonatu xinés, ne’ebé haruka proposta ida hodi kontratu nia, tuir jornál turku Fanatik.

 

Tuir publikasaun ne’e, klube turku simu proposta ida iha orden euro millaun 20, maibé Nani hatudu katak nia la iha intensaun atu bá nasaun aziátiku ne’e.

 

Iha parte seluk, Fanatik revela agora katak Fenerbahçe simu kontaktu hosi Atlético Madrid kona-ba kontratasaun ho extremo luzu ne’e. Klube madrilène ne’e pronto atu selu euro millaun ualu ba pase jogadór ne’e nian: proposta ne’e menus apelativa ba Fenerbahçe, maibé bele atrativa liu ba Nani.

 

SAPO TL ho SAPO Desportu