Giné-Bisau manán Kénia no lidera grupu E iha kualifikasaun ba CAN2017

Selesaun futeból Giné-Bisau nian asume ohin lideransa iha grupu E iha kualifikasaun ba Taça das Nações Africanas (CAN2017), bainhira manán nia konjénere hosi Kénia ho 1-0.

Cícero mak marka golu vitória Giné-Bisau nian, iha minutu 85, hakat ne’ebé kenianu sira kontesta, ne’ebé hatete katak bola la ultrapasa liña golu nian, no jogu para tiha iha minutu balun tanba distúrbiu entre apoiante sira Kénia nian.

 

Avansadu hosi Paços de Ferreira nia tenta bele impede selesaun gineense la lidera grupu E ho pontu hitu, no benefisia mo hosi empate 1-1 entre Kongu ho Zámbia, ne’ebé tun ba fatin daruak no datolu, respetivamente, ho pontu neen.

 

Selesaun gineense sei joga tan dala rua iha nia grupu, ho Zámbia (iha juñu), iha Bisau, no kontra Kongu (iha setembru), iha Brazzaville.

 

Karik nia manán zambianu sira no benefisia hosi eventuál derrota Kongu nian kontra Kénia iha ronda tuir mai, Giné-Bisau tama automatikamente ba faze finál iha CAN, ne’ebé sei sai ba dala uluk iha nia istória.

 

SAPO TL ho Lusa