Zidane: "Manán iha li’ur Champions nian importante tebes"

Real Madrid manán hasoru  AS Roma ho 2-0 iha jogu ne’ebé Ronaldo marka golu fastástiku ida.


Foto: ALBERTO PIZZOLI / AFP

 

Ho Vitória Real Madrid nian hasoru  Roma ho 2-0 halo formasaun ne’ebé komanda hosi Zinedine Zidane besik ona hakat ba iha apuramentu kuartus-de-finál, maibé  bainhira termina jogu, tékniku fransés  ne’e informa katak seidauk garante buat ruma no elojiu prestasaun kolektiva hosi nia ekipa.

 

"Ha’u sente  kontente  Ronaldo bele marka golu, hotu –hotu hein katak nia bele marka nafatin golu . ha’u moos sente kontente tamba bele manán no hakarak fó parabens ba esforsu hosi ekipa hotu  no sente katak  ami joga di’ak tebes iha segunda parte", hatete  Zidane iha konferénsia imprensa.
"Loos duni katak bainhira joga sai ne’e difísil tebes no ohin moos akontese. Ne’e  klaru katak difísil liu kompara ho jogu iha Santiago Bernabéu. Agora, manán sai iha liur Champions nian importante tebes no ha’u kontente ho dezempeñu ho Ronaldo no sira hotu. Ami hamutuk iha ekipa ida", hatutan treinadór Real Madrid.


"Ho vantajen golu rua ne’e lagarante iha futeból. seidauk deside buat ida. Ami tenki joga  segunda mão, maski klaru duni katak ami kontente  bele manán ho 2-0, maibé buat hotu seidauk taka ", afirma  Zidane.

 

SAPO TL ho SAPO Desportu