Justisa norte-amerikanu laaseita garantia atu liberta Eduardo Li

Prokuradór federál kontra proposta hosi defeza, ezije garantia ida ho  dólar millaun 10 to’o  15, ho osan millaun 5 to’o 7,5.


Foto: Lusa

 

Juiz ida hosi  Nova Iorque rekuza iha ohin kona-ba  pedidu libertasaun ho garantia sira hosi Eduardo Li, antigu prezidente Federasaun Futeból  Kosta Rika ne’ebé  sai  úniku  akuzadu ba  kazu korrupsaun  FIFA nian maka sei detidu  iha Estadus Unidus.

Robert Levy, juiz hosi tribunál  federál  Brooklyn , konsidera insufisente pedidu defeza, ne’ebé  aseita  ho garantia  dólar millaun  5 (euro millaun  4,45), maka  hanesan osan rihun  300 (euro rihun 267).

Juiz konvoka  ona audiénsia foun ba iha  loron 23 fevereiru, loron ida ne’ebé maka defeza bele  aprezenta garantia  adisionál balun.

Prokuradór federál kontra proposta hosi nia  defeza, ezije garantia ida ho  dólar millaun 10 to’o  15, ho osan millaun 5 to’o  7,5 ka iha garantia propriedade ruma iha Estadus Unidus.

Li, tinan 57,  detidu iha  Zurik iha loron  27 fulan maiu 2015, bainhira eskándalu korrupsaun FIFA nian fakar sai  ba públiku. Ne’ebé  maka lori ba  Estadus Unidus loron 18 dezembru no  no  deklara  katak nia inosente perante  akusasaun  19, ne’ebé entre sira hanesan  asosiasaun kriminozu, fraude no  brankeamentu iha osan.

Hafoin  Alfredo Hawit hondureñu hetan libertasaun  iha  semana kotuk , prezidente suspensu Konfederasaun  Futeból norte -Amérikanu, Sentrál no  Karaíbas (Concacaf), Li hanesan ema ida hosi akuzadu sira ne’ebé sei iha prizaun Estadus Unidus nian.

 

SAPO TL ho SAPO Desportu