Florentino husik Benítez no bolu Zidane

Prezidente Real Madrid nian foti desizaun hodi hasai Rafael Benítez.


 

Foto: PIERRE-PHILIPPE MARCOU

 

Rafael Benítez laaguenta ho rezultadu sira ne’ebé ladi’ak iha Real Madrid no sai hosi komandu tékniku hosi emblema 'merengue' hafoin reuniaun emerjénsia horisehik loro-kraik.

 

Tuir ida ne’ebé diáriu 'Marca' fó sai, Zinedine Zidane sei asume komandu tékniku Real Madrid nian to’o hetan substitutu ida ba treinadór españól ne’e.

 

Tuir jornál ne’e españól, Florentino Pérez sei halo konferénsia imprensa ida orsida tuku 18h30 oras Lisboa nian hodi fó sai desizaun diresaun Real Madrid nian.

 

Diáriu katalaun 'El Mundo Deportivo' fó sai mós katak Santiago Solari, tékniku adjuntu Zidane iha Castilha, sei akompaña treinadór fransés to’o iha primeira ekipa.

 

SAPO TL ho SAPO Desportu