Terça-feira, 11.04.17

Ofisial: Edgardo Bauza husik selesaun Arjentina nian

Selesionador admiti ona katak parte rua to'o ona akordu ida. 

 

 

Edgardo Bauza husik ona komando tékniku Arjentina nian. Dirijente ida hosi federasaun fó sai ona iha deklarasaun sira ba jornal arjentinu ida katak to'o ona akordu ho tékniku hodi hakotu funsaun sira iha selesaun súl-amerikanu. Iha deklarasaun badak ba jornal Olé, Claudio Tapia, prezidente hosi Federasaun Arjentina Futebol nian, hatete katak parte rua ne'e hetan ona akordu ida hodi hakotu ligasaun entre parte rua ne'e.

 

Hakotu nune'e parseria ida ne'ebé dura menus duké tinan ida antes to'o nia rohan. Iha nia pasajen liuhosi selesaun Arjentina, Bauza kumpri de'it jogu ualu no hetan de'it vitória tolu.

 

Seidauk iha susesor ida ba ekipa arjentina, maibé iha naran rua ne'ebé maka ko'alia hanesan hipóteze: Diego Simeone ho Jorge Sampaoli. Maibé, tékniku hosi Atlético de Madrid sai hela hanesan favoritu hodi kaer ekipa ‘albi-celeste’.

 

Arjentina iha hela faze kualifikasaun ba Kampeonatu Mundu Rúsia nian iha 2018 iha zona súl-amerikanu nian. Seidauk desidi iha kontinente, tanba Brazil de'it maka hametin ona nia prezensa iha Mundial.

 

@SAPO Desporto

Sábado, 08.04.17

FIFA ho lakon aas hosi 347 ME iha 2016. Iha 2017 sei aat liu

FIFA hein rezultadu ida negativu liu iha tinan ne'e nia rohan. 



Iha loron-sesta ne'e FIFA aprezenta lakon aas hosi euro millaun 347 iha ezersísiu refere ba 2016, tinan ne'ebé organizmu regulador hosi futebol mundial simu eskandálu boot korupsaun iha nia istória.

 

Tuir FIFA, ne'ebé hein rezultadu ida ne'ebé sei negativu liu iha tinan ne'e nia rohan, atribui lakon aas ne'ebé rejista iha 2016 ba dalan foun hodi halo kontabilidade, maibé rekoñese ona katak investigasaun sira hosi justisa suisu no norte-amerikanu kontribui mós hodi halo tinan ne'e hotu iha "mean".

 

"Paralizasaun hosi ekonomia mundial no diminuisaun hosi investimentu, la'o ho investigasaun sira ba dirijente antigu sira hamosu presaun ba konta sira", hatete hosi relatóriu organizmu nian, ne'ebé prezidi hosi suisu Gianni Infantino, ne'ebé aponta ba gastu hamutuk 50 ME iha despeza legal sira.

 

Organizmu hein hetan rezultadu pozitivu sira iha 2018, antesipa lukru hosi euro billiaun ida, barak liu mai hosi fa'an direitu sira transmisaun televizaun nian hosi Kampeonatu Mundu tuirmai, ne'ebé nia faze final sei halo iha Rúsia.

 

Dokumentu atribui parte responsabilidade ba "investimentu sira desfokadu" hosi parte diresaun antigu, lidera hosi suisu Joseph Blatter, ne'ebé hetan suspensu ba tinan neen tanba konduta antiétika, hosi inkéritu internu ida.

 

Investimentu sira ne'e maka muzeu futebol mundial nian no hotel Ascot, ho fitun haat, iha sentru sidade suisu Zurike, ne'ebé situa sede FIFA nian.

 

@SAPO Desporto

Terça-feira, 04.04.17

Final Liga Europa nian sei halo iha semana hanesan ho Champions

Desizaun ne'e foti iha loron-tersa iha reuniaun hosi Komité Ezekutivu UEFA nian iha Helsínquia, ne'ebé desidi ona katak final hosi Liga Europa entre 2018-2021 sei halo iha loron 29 fulan-Maiu. 

 

 

Final hosi Liga Europa "iha siklu tomak 2018-2021" sei halo iha semana hanesan ho Champions League no "hafoin hotu temporada sira iha nível internu", fó sai hosi UEFA iha loron-tersa.

 

Desizaun ne'e foti iha reuniaun hosi Komité Ezekutivu UEFA nian, halo iha Helsínquia, ne'ebé halo antes hosi Kongresu Ordináriu ba dala 41 hosi organizasaun, ne'ebé desidi ona katak final hosi Liga Europa iha 2018 sei halo iha loron 29 fulan-Maiu.

 

"Desizaun ne'e foti ona hodi nune'e final UEFA Europa League sei halo - hanesan ho final UEFA Champions League nian - hafoin hakotu temporada sira iha nível internu", bele le iha komunikadu.

 

Iha reuniaun desidi mós katak, hahú 2022, Europeu futsal nian sei halo "tinan haat dala ida, ho prezensa hosi selesaun finalista hamutuk 16", la'ós hanesan agora ne'ebé halo tinan rua dala ida, ho selesaun 12.

 

"Mudansa ne'e sei oferese estrutura kompetitivu di'ak ida (ho faze kualifikasaun aumenta ba temporada rua) no sei evita problema ne'ebé akontese daudaun, tinan haat dala ida, iha faze final prova nian ne'ebé akontese iha tempu hanesan ho faze final hosi Kampeonatu Mundu Futsal FIFA nian", justifika hosi organizasaun.

 

Komité Ezekutivu UEFA nian desidi mós realizasaun, tinan rua dala ida, hosi Kampeonatu Europa Futsal feto nian, UEFA Women's Futsal EURO.

Edisaun dahuluk hosi prova sei halo iha 2019 no sei konta ho selesaun finalista haat, tanba númeru sei limitadu hosi selesaun nasional europeu futsal feto nian ne'ebé agora daudaun ezisti.

 

Sei halo mós hahú tinan 2019 no mós tinan rua dala ida kampeonatu europeu futsal sub-19 ho prezensa hosi selesaun finalista ualu.

 

Iha Helsínquia desidi mós katak, hahú ona hosi temporada 2017/18, Tasa UEFA futsal – ne'ebé sei hanaran ´UEFA Futsal Champions League - sei aumenta ba reprezentante adisional ida hosi federasaun tolu ne'ebé iha liu pozisaun di'ak iha "ranking" hosi koefisiente sira hosi ekipa nasional sira modalidade nian.

 

Komité Ezekutivu UEFA nian konfirma mós loron sira hosi faze ikus Kampeonatu Europa Sub-21 nian hosi UEFA 2019 nian, halo iha Itália, entre loron 16 no 30 Juñu 2019.

 

Reuniaun foun hosi Komité Ezekutivu UEFA nian sei halo iha loron 01 fulan-Juñu 2017, iha Cardiff.

 

@SAPO Desporto

Segunda-feira, 03.04.17

Governu japunés aumenta vijilánsia iha aeroportu sira ba Jogu Olímpiku Tókio2020

Ministériu japunés ba transporte nian fó sai ona iha loron-segunda ne'e katak sei aumenta instalasaun ba kámara sira iha perímetru hosi aeroportu oioin hodi aumenta sistema sira videovijilánsia nian durante Jogu Olímpiku sira Tókio2020 nian. 

 

 

Tuir ajénsia notísia Kyodo, sei instala tan kámara sira iha aeroportu hamutuk 15 ne'ebé maka jere hosi Estadu japunés, hanesan akontese ona iha aeroportu rua hosi área metropolitanu Tókio nian, iha Haneda ho Narita.

 

Autoridade aeroportuáriu sira husu tiha ona reforsu hosi sistema videovijilánsia nian iha aeroportu sira hodi fasilita intervensaun lalais iha situasaun sira alarme nian, tanba perímetru sira hosi aeroportu sira iha de'it sensor sira.

 

Governu japunés sei kria mós sentru ida kordenasaun antiterorista nian hodi garanti seguransa iha estádiu sira no iha aldeia olímpiku sira ba Jogu Olímpiku sira Tókio2020 nian.

 

@SAPO Desporto

Sábado, 01.04.17

Andújar: "Messi la devia fila ba selesaun arjentina"

Guarda-rede arjentinu refere ona katak avansadu Barcelona nian la devia hetan kolokasaun ba ekipa albiceleste. 

 

 

Kastigadu durante jogu haat, Lionel Messi hetan fali problema sira iha selesaun arjentinu. Mariano Andújar, guarda-rede arjentinu hosi Estudiantes de La Plata, fó sai ona katak astro albiceleste la devia fila hodi reprezenta kór sira selesaun nian.

 

"Messi la devia fila tan [...] Ha'u hanoin katak Leo sei la fila tan, verdadeiramente, maibé nia hakarak tebes selesaun. La devia fila tan. Tansá maka ó fila? Tansá maka sira kritika ó?", Andújar refere iha entrevista ida ba programa Dos Contra Uno, hosi televizaun ida La Plata nian.

 

"Ema ida la valoriza nia, ema hotu hatete katak nia la joga hanesan joga iha Barcelona, katak laiha vontade. Hatete katak la fila tan no to'o loron 09 Jullu tau ona kartaz sira katak nia fila. Ó la hatene katak ó sei lakon", hatutan hosi guardiaun arjentinu.

 

Messi hetan kastigu ba jogu haat, hafoin hatete liafuan sira ne'ebé ladún di'ak ba árbitru auxiliar hosi jogu entre Arjentina ho Xile.

 

Mariano Andújar iha tinan 33 no milita iha Estudiantes de La Plata, iha Arjentina. Époka ne'e partisipa ona iha jogu 12, sofre ona golu hamutuk 13.

 

@SAPO Desporto

pesquisar

 

Abril 2017

D
S
T
Q
Q
S
S
1
2
3
4
5
6
7
8
9
10
13
14
15
16
19
20
22
23
25
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo