Sexta-feira, 31.03.17

Wozniaki hanesan finalista dahuluk iha Miami

Tenista dinamarkeza  halakon iha  meias-finais  hasoru  xeka Karolina Pliskova.


Foto: MICHAEL BRADLEY / AFP

 

Tenista dinamarkeza Caroline Wozniacki assegura iha ohin  prezensa iha  finál Masters 1.000 Miami, iha  Estadus Unidus, hafoin halakon iha  meias-finais xeka Karolina Pliskova.

 

Wozniacki, 'ranking' mundial 14.ª, hahú ladun di’ak iha enkontru ne’e,  lakon iha 'set' dahuluk ba  jogadora datoluk  ierarkia mundial ho 7-5, maibé responde ho di’ak  no manán parsiál rua tuir mai ho duplu 6-1.

 

Iha  finál, sei hasoru vensedora hosi  enkontru entre norte-amerikana Venus Williams, 12.ª  iha mundu, no británika Johanna Konta, 11.ª hosi ierarkia.

Enkuantu mquasdru femininu tama ona ba finál, ba ohin sei iha tan jogu ikus rua ba kuartu finál, badahuluk maka suísu Roger Federer, daneen iha mundu, konfirma ho momentu kapás tebes iha ninia forma, halakon  xeko Tomas Berdych, 14.º.

 

Maski nia sai  favoritizmu, Federer lahasoru vida ida  fásil no, hafoin manán iha  parsiál dahuluk ho 6-2, lakon iha daruak ho  6-3  no  haree ninia adversáriu estraga 'match points' rua, molok manán  enkontru ne’e  iha 'tie-break', 7-6 (8-6).

 

Iha  meias-finais, tenista helvétiku sei hasoru  vensedór enkontru entre alemaun Alexander Zverev, 20.º,  no australianu Nick Kyrgios, 16.º, enkuantu meia-finál seluk hala’o entre españól Rafael Nadal, klasifikasaun dahitu iha mundu,  no italianu Fabio Fognini, 40.º.

 

 SAPO TL ho SAPO Desportu

Quarta-feira, 29.03.17

Piqué ataka Real Madrid no "hamanas" imprensa española

Jogador Barcelona "dispara" hasoru Real Madrid bainhira hatán kona-ba vídeo-árbitru. 

 

 

Gerard Piqué kontinua nia kruzadu hasoru Real Madrid. Barcelona nia defeza ataka fali merengue sira, iha Paris, hafoin jogu amigável entre España ho Fransa, ne'ebé españól sira manán ho 2-0.

 

Iha zona entrevista lalais sira nian, jogador Barcelona nian "dispara" hasoru Real Madrid bainhira hatán kona-ba vídeo-árbitru nian.

 

"Buat hotu rezumu de'it bainhira hatais mutin. Árbitru sira bele halo sala, maibé ne'e ajuda. Iha ínisiu hanesan ladún di'ak tanba tempu hein nian maibé sei sai di'ak. Dala hira ona maka prejudika ami no ami halo kesar? Maibé ne'e agora sei la akontese", nia hatete ba jornalista sira.

 

Barcelona nia defeza garanti katak laiha buat ida hasoru jogador sira Real Madrid nian maibé loos kontra klube no valor sira ne'ebé transmiti.

 

"Ha'u laiha dúvida hosi madridizmu Raul nian maibé ha'u sei la serbisu ba klube. Ha'u la gosta ho valor ne'ebé transmiti. Ha'u gosta jogador sira, ha'u hanesan belun hosi jogador balun. Buat ne'ebé maka ha'u la gosta iha Real Madrid maka haree ema balun iha tribuna, haree oinsá maka sira hetan pozisaun iha nasaun ne'e. Ema ne'ebé maka akuza Messi ho Neymar, no ne'ebé dalaruma iha tratu oinseluk ida ho Cristiano, tuur iha tribuna iha Florentino [Pérez] nia sorin. Hanesan ne'e nafatin", nia akuza.

 

Imprensa española hatete katak Piqué refere ba Marta Silva Lapuerta, xefe hosi serbisu jurídiku hosi Governu españól, no nia deskonfia influénsia iha investigasaun sira ba fraude fiskal.

 

Tuir jornal españól "Marca", departamentu jurídiku Real Madrid nian estuda hela posibilidade hodi halo prosesu jogador ne'e.

 

@SAPO Desporto

Olanda lakon ho Itália. Bas Dost iha banku

Olandés  Sporting nian lajoga iha  enkontru partikular ne’ebé hala’o iha Amesterdaun.

 

Foto: EPA/KOEN VAN WEEL

 

Olanda lakon, iha tersa-feira ne’e, hosi Itália, iha jogu partikular preparasaun ba kualifikasaun Mundial2018, ne’ebé realiza iha Amesterdaun,

Sportinguista Bas Dost tama okupa deit iha banku suplente no haree ninia Olanda loke markadór ho auto-golu ida hosi Romagnoli. Maski nune’e, italianu fila fali rezultadu  ho tentu hosi  Eder no Bonucci.

 

SAPO TL ho SAPO Desportu

Terça-feira, 28.03.17

Nova Zelándia garanti fatin iha play-off apuramentu nian

Ryan Thomas marka ona golu rua hosi ekipa neozelandeza bainhira simu Fiji. 

 

 

Iha loron-tersa ne'e Nova Zelándia hametin prezensa iha ‘play-off’ ba kualifikasaun hosi Oseánia nian ba Mundial2018 futebol nian, bainhira simu Fiji no manán ho 2-0 ho golu rua hosi Ryan Thomas.

 

Ala hosi holandés sira PEC Zwolle nian marka ona golu ida iha parte ida-idak, iha minutu 27 no 68, hodi garanti ba neozelandés sira fatin dahuluk hosi grupu A hosi faze datoluk ba kualifikasaun Mundial 2018 nian.

 

Portugal nia adversáriu iha grupu A hosi Tasa Konfederasaun nian, ne'ebé sei halo iha fulan-Juñu, iha Rúsia, iha pontu 10 iha jogu haat, iha liu pontu sia duké Nova Kaledónia ne'ebé sei iha menus jogu rua, bo Fiji ho mós jogu rua disputadu maibé seidauk iha pontu ida.

 

Nova Zelándia, ne'ebé buka edita fali prezensa sira iha faze final sira tinan 1982 no 2010, sei buka, iha fulan-Novembru, vaga úniku hosi Oseánia ba Mundial2018, iha ‘play-off’ hasoru vensedór hosi agrupamentu B, ne'ebé bele defini iha loron-kuarta, bainhira Tahiti manán iha jogu hasoru Papua Nova Guiné.

 

@SAPO Desporto

Segunda-feira, 27.03.17

Ronaldo ho Mourinho okupa fatin dahuluk hosi sira ne'ebé simu liu osan

France Football konsidera katak jogador ho treinador portugés hanesan sira ne'ebé maka simu liu osan iha époka 2016/2017. 

 

 

Cristiano Ronaldo halakon fali Messi, agora iha rendimentu sira. Jogador portugés hanesan jogador ne'ebé hetan liu osan iha mundu, fó sai hosi ranking ne'ebé tinan-tinan fó sai hosi publikasaun franseza France Football.

 

Internasional portugés konta manán hamutuk euro millaun 87.5, kontra Messi ho millaun 76.5. Iha fatin ikus ranking nian pertense ba Neymar, ho euro millaun 55.5.

 

Hosi treinador sira, iha portugés ida seluk. José Mourinho mantén iha fatin dahuluk lista nian, ne'ebé iha hanesan baze saláriu brutu sira, prémiu sira no reseita publisitáriu sira ne'ebé hetan durante époka.

 

Tékniku hosi Manchester United nian hetan ona euro millaun 28 iha temporada ne'e. Marcelo Lippi, atual selesionador xinés, iha pozisaun daruak ho euro millaun 23.5 no iha fatin ikus lista nian pertense ba Laurent Blanc, ne'ebé treina ona Paris Saint-Germain iha temporada liubá no konsege hetan euro millaun 20.

 

@SAPO Desporto

Ronaldo bele estreia iha selesaun... iha nia rai moris fatin

Cristiano Ronaldo halo parte hosi Fernando Santos nia eleitu sira ba jogu iha Estádio dos Barreiros, iha jogu ne'ebé bele sai hanesan estreia ida ho kór nasional sira nian. 



 

Portugal hasoru Suésia iha loron-tersa oinmai, iha regresu ida ba Estádio dos Barreiros, iha Madeira. Ne'e sei sai hanesan ba dala uluk maka Cristiano Ronaldo bele reprezenta kor portugés nian iha nia rai moris fatin.

 

Iha tinan 16 liubá maka selesaun portugeza joga ba dala ikus iha Madeira. Iha tempu ne'ebá joga iha faze kualifikasaun ba Mundial 2002 nian, no ekipa luzu hasoru konjéneru Andorra. Golu rua hosi Luís Figo no ida hosi Pauleta iha tempu ne'ebá fó vitória 3-0 hasoru ekipa prinsipadu ne'e.

 

No iha tempu ne'ebá Cristiano Ronaldo iha ne'ebé? Joven extremu ne'e, iha tempu ne'ebá, iha tinan 16 no halo parte hosi ekipa junior Sporting nian. Liutiha époka ida de'it, internasional portugés hetan estreia iha ekipa prinsipal Sporting nian, ne'ebé halo nia hetan transferénsia ba Manchester United. No hafoin ne'e mosu istória!

 

Agora, Cristiano Ronaldo fila ba nia rai moris fatin, ho tinan 32, ba estreia foun ida. Bainhira Fernando Santos hili avansadu Real Madrid nian hodi joga, entre Ronaldo bele estreia hodi joga iha Madeira ho kór nasional portugeza nian.

 

Portugal hasoru Suésia iha loron-tersa, iha Estádio dos Barreiros, tuku 19h45 (oras Lisboa nian).

 

@SAPO Desporto

Danny Blind demite hosi kargu selesionadór Olanda

Selesionadór Olanda, Danny Blind, iha ohin hetan demite, loron ida hafoin lakon hasoru Bulgária, ho 2-0, ne’ebé  komplika 'konta' apuramentu  ba Mundial2018, anunsia Federasaun Futeból Holandesa (FHF).


 

Blind, tinan  55, assume kargu ne’e iha jullu 2015, troka Guus Hiddink.

 

Tuir  federasaun olandeza, orientasaun 'selesaun laranja' iha tersa-feira, ba  jogu partikular ho Itália, iha  Amesterdaun, kargu ne’e husik fila fali ba Fred Grim, adjuntu Blind nian.

 

Iha inísiu loron ohin, FHF notisia reuniaun ida ho Danny Blind hodi  diskute derrota ne’ebé sofre iha Bulgária, iha  jogu grupu A zona europeia kualifikasaun Mundial2018.

 

Ho  jornada lima ne’ebé liuona, Olanda okupa iha fatin dahaat  grupu A nian, ho deit pontu hitu, ekivalente ba vitória rua, empate dala ida no lakon dalarua.

 

Fransa, ne’ebé ba Luxemburgo, iha sábadu moos, manán 3-1, lidera agrupamentu, ho pontu 13, tuir  Suécia, ho sanulu, no Bulgária, ho sia.

 

SAPO TL ho Lusa

Danny Blind demitido do cargo de selecionador da Holanda

O selecionador da Holanda, Danny Blind, foi demitido hoje, um dia depois da derrota na Bulgária, por 2-0, que complicou as 'contas' do apuramento ao Mundial2018, anunciou a Federação Holandesa de Futebol (FHF).


 

Blind, de 55 anos, tinha assumido o cargo em julho de 2015, sucedendo a Guus Hiddink.

 

Segundo a federação holandesa, a orientação da 'seleção laranja' na terça-feira, no jogo particular com a Itália, em Amesterdão, ficará a cargo de Fred Grim, adjunto de Blind.

 

No início do dia, a FHF tinha noticiado uma reunião com Danny Blind para discutir a derrota sofrida na Bulgária, em jogo do grupo A da zona europeia de qualificação ao Mundial2018.

 

Com cinco jornadas disputadas, a Holanda ocupa o quarto lugar do grupo A, com apenas sete pontos, equivalentes a duas vitórias, um empate e duas derrotas.

 

A França, que foi ao Luxemburgo, também no sábado, vencer por 3-1, lidera o agrupamento, com 13 pontos, seguida da Suécia, com dez, e Bulgária, com nove.

 

@Lusa

Domingo, 26.03.17

Liverpool hakarak konta ho James Rodriguez

Ekipa ingleza iha interese iha jogador Real Madrid nian. 

 

 

Liverpool iha interese hodi kontrata James Rodriguez hosi Real Madrid. Tuir jornal inglés The Mirror, emblema britániku hakarak "hasai" kolombianu ne'ebé ikus ne'e Zidane ladún hili iha ekipa madrilenu.

 

Transferénsia ba Liverpool la'ós fásil, tanba Real Madrid husu, iha mínimu, euro millaun 80 hodi hahú negósiu hodi extremu eis-FC Porto nian bele sai. Maibé "red" sira presiza hetan fatin europeu ida hodi nune'e James aprova nia saída hosi Real Madrid.

 

Maibé, vontade jogador nian la'ós hanesan problema ida. Ho minutu balun hosi jogu, James Rodriguez haree ho di'ak saída ba ekipa ida ne'ebé bele hetan beibeik opsaun. Maibé, kolombianu lakohi lakon saláriu ne'ebé nia iha no hakarak joga iha Champions League.

 

Iha temporada ne'e, médiu kolombianu halo de'it jogu 24 no marka golu lima hamutuk ho Real Madrid. Titularidade sai hanesan kestaun ida ne'ebé la mosu iha prezente kolombianu nian.

 

@SAPO Desporto

Sexta-feira, 24.03.17

Griezmann sai nafatin objetivu hosi Manchester United

Hanoin ona katak avansadu fransés hanesan susbtitutu ideal Wayne Rooney nian. 

 

 

Antoine Griezmann kontinua aponta nafatin ba Manchester United hosi José Mourinho nian. Tuir imprensa ingleza, negosiasaun sira entre klube rua ne'e iha nafatin meza leten no internasional gaulés karik bele duni ba Inglatera iha temporada oinmai.

 

Iha meza leten iha proposta ida ho euro millaun 100, folin hosi kláuzula anulasaun nian, hodi garanti atu "prínsipe ki'ik Paris nian" bele to'o. Tuir Manchester Evening, hametin frente atake nian hanesan área esforsu prinsipal ba époka oinmai.

 

Ko'alia nafatin katak Wayne Rooney sei sai hosi ‘red devils’ bainhira kontrata Griezmann ne'ebé sei sai hanesan substitutu hosi avansadu inglés ne'e nian.

 

@SAPO Desporto

pesquisar

 

Março 2017

D
S
T
Q
Q
S
S
1
2
3
4
5
6
7
8
9
11
12
13
17
19
20
25
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo