Sexta-feira, 30.09.16

FC Porto eliminadu hosi Liga dos Campeões

'Dragões' lakon iha Lituánia no agora partisipa iha FIBA Europe Cup.


Foto: D.R.

 

Ekipa basketeból FC Porto nian lakonsege hakat liu iha kinta-feira ne’e ba faze grupu Liga dos Campeões ne’ebé lakon ho 59-77 iha Lituánia hasoru Juventus Utena.

 

Hafoin lakon iha  jogu dahuluk iha  Dragão Caixa ho 81-83, ekipa ne’ebé komanda hosi Moncho López hahú ho  determinasaun  hasoru  Juventus Utena hodi hetan dalan ba kualifikasaun.

 

Maski nune’e, lituanu sira ikus mai rekupera hosi desvantajen no konsege hetan  vitória ida ho fásil.

 

Ho rezultadu ne’e, FC Porto agora sei partisipa iha FIBA Europe Cup, Grupu D, hamutuk ho Sopron (Hungria), Antuérpia Giants (Béljika) no Nanterre (Fransa).

 

SAPO TL ho SAPO Desportu

Quinta-feira, 29.09.16

Atlético repete tinan uluk no halakon tan Bayern

PSV no Rostov fahe pontu iha enkontru seluk grupu nian.


Foto: Foto@EPA/Peter Kneffel

 

Atlético de Madrid repete prestasaun iha époka kotuk no manán iha kalan ne’e hasoru Bayern Munique, ho 1-0, iha  jogu  referente ba jornada daruak faze grupu Liga dos Campeões nian.

 

Jogu ne’e, colchoneros Diego Simeone hetan vantajen ho golu solitáriu hosi Ferreira-Carrasco, iha minutu 35, liuhosi remate ne’ebé kona baliza Manuel Neuermolok tama.

 

Iha  jogu seluk hosi grupu, PSV no Rostov laliu hosi empate ho golu rua.

 

Ho  vitória ne’e, Atlético de Madrid okupa mesak iha pozisaun dahuluk Grupu D nian, ho pontu neen iha jogu rua, tuir Bayern ho pontu tolu. Iha pozisaun ikus maka  Rostov no PSV, ho pontu ida kda ekipa.

 

SAPO TL ho SAPO Desportu

 

Quarta-feira, 28.09.16

Bas Dost: "Ha’u hakarak hatudu buat ne’ebé ha’u bele halo"

Avansadu olandés halo golu ida hosi leões iha vitória hasoru Légia Varsóvia, ho 2-0.


Foto: Lusa

 

Hamutuk  golu lima sura ho jogu seluk, Bas Dost halo arranke ho mehi ida iha Sporting, maibé nia prefere fahe méritu ne’e ho ekipa. "Iha loron dahuluk difísil tebes tamba sai hanesan klube foun, maibé ekipa ne’e kapás. Iha jogadór fantástiku barak, halo pasajen kapás mai ha’u. Sosa ha’u atu marka golu barak no ha’u serve duni ba ida ne’e. ha’u nia kolega sira fantástiku tebes no ho deit sira maka ha’u bele halo pasajen di’ak. Ne’e hatudu katak sira konfia mai ha’u, hatene saida maka ha’u halo. Sempre iha presaun no ha’u hakarak hatudu saida maka ha’u hatene halo", afirma avansadu olandés ne’e.

 

Liuhosi  deklarasaun ne’ebé hato’o ba flash-interview SportTV hafoin manán hasoru Légia Varsóvia, iha jogu ne’ebé konta ba jornada daruak grupu F Champions nian, internasionál olandás ne’e haktuir  jogu ekipa nian ne’ebé hahú ho di’ak. "Ami hahú jogu ho kapás. Ami kria oportunidade barak. Iha parte dahuluk ami iha ipóteze lima ne’ebé di’ak no ami  marka golu rua. Ami iha momentu di’ak. Iha parte daruak  mosu problema oituan, tanba  kolen relasionaba iha jogu ne’ebé barak. 2-0  ne’e rezultadu di’ak", nia hatutan.

 

SAPO TL ho SAPO Desportu

Terça-feira, 27.09.16

Burnley manán Watford no 'sai' hosi klasifikasaun ikus

Golu ba vitória  ne’e aponta hosi Hendrik no Keane.


Foto: EPA/FACUNDO ARRIZABALAGA

 

Burnley simu no manán Watford ho 2-0, iha jogu ne’ebé  enserra jornada daneen liga ingleza, sa’e ba klasifikasaun 13.º, iha pontu hanesan ho adversáriu iha ohin  ne’ebé okupa iha 11º.

 

Golu Burnley  nian marka iha minutu 38, hosi médiu irlandés Jeff Hendrik, no iha 50, hosi defeza-sentrál Michael Keane.

 

Ho vitória ne’e, Burnley sa’e ba okupa iha 13.º, ho  pontu hitu, enkuantu Watford mantein iha pazisaun 11.ª, ho pontu hanesan, iha kampeonatu ne’ebé lidera hosi Manchester City, ho pontu  18, tuir  Tottenham ho 14, no Arsenal, Liverpool no Everton, hotu iha pontu 13, no ba Manchester United, ne’ebé orienta hosi  José Mourinho, ho pontu  12.

 

SAPO TL ho SAPO Desportu

Segunda-feira, 26.09.16

Paulo Sousa kritika arbitrajen iha jogu ho AC Milan

Tékniku hosi formasaun 'viola' lagosta ho kritériu  hosi arbitrajen iha jogu kontra AC Milan.


 

Fiorentina no AC Milan empata ohin ho 0-0 iha jogu ba jornada daneen futebol Liga italiana  nian, ne’ebé hala’o iha Florença, ho anfitriaun laaproveita oportunidade liuhosi penalidade.

 

Médiu eslovenu Josip Ilicic, iha minutu  24, hetan kaer hodi hamonu  nia tenki kastigu máximu, ne’ebé bele fó vantajen ba formasaun  komandadu hosi  Paulo Sousa.

 

Hafoin jogu remata, Paulo Sousa sente lasatisfeitu ho arbitrajen no konsidera maski iha  tratamentu lahanesan.

 

" Árbitru tenta atu halo buat di’ak hotu, sala hirak ne’e  akontese  iha jogu hotu. Ha’u iha Itália ho tempu sufisiente no hatene  importánsia ne’ebé fó ba  ekipa balun kompara ho  seluk.  Kazu  balun ne’ebé akontese iha área Fiorentina nian trata ho forma diferente...", haktuir Paulo Sousa ba Sky Sports italiana.

 

"Josip Ilicic hahú ho di’ak iha  époka ne’e no sai hanesan jogadór ida importante ba ekipa. supera ida ne’e (falla iha penalidade). Ha’u haree iha determinasaun barak atu manán iha jogu no ida ne’e maka  atitude ne’ebé ha’u hakarak. Ha’u nia ekipa merese vitória no halo buat hotu atu konsege. Ami tenki mantein jogu sira  ho  forma hanesan", afirma Paulo Sousa.

 

Ho igualdade ne’e, AC Milan akupa iha klasifikasaun daualu, ho pontu 10, hanesan ho Roma, Lazio, Chievo no Bolonha, hela pontu lima hosi líder Juventus, enkuantu Fiorentina okupa iha klasifikasaun 12.º, ho pontu ualu hanesan ho Torino no Génova.

 

SAPO TL ho SAPO Desportu

Sexta-feira, 23.09.16

Valência sofre molok hetan pontu dahuluk

Hetan penalidade besik  jogu remata permite Dani Parejo halo  2-1 vitoriozu  boot  ba Valência.

Foto: EPA/MIGUEL ANGEL POLO

 

Valência iha  kinta-feira ne’e hetan, pontu tolu dahuluk nian iha  liga española hafoin manán Alavés ho 2-1 iha jogu ne’ebé konta ba jornada dalima.

 

Hafoin lakon tutuir-malu ba dahaat, klube 'che' iha  obrigasaun  atu manán  klube  promosaun Alavés. ho Nani, Enzo Pérez no Rodrigo inklui iha 11 inisiál, Valência buka marka uluk  hasoru adversáriu  ne’ebé  iha époka ne’e hetan ona pontu tolu  iha Camp Nou hasoru Barcelona.

 

Maski  iha difikuldade ne’ebé  mosu atu adianta markadór, Valénsia ikus mai hetan benefisiu hosi autu-golu Victor Laguardia  iha minutu  28  hodi halo 1-0. Maski  iha desvantajen, Alavés nunka atu  rende no molok intervalu Toquero hamosu igualdade.

 

Iha  segundu tempu, Valência tenta halo presaun atu labele iha igualdade, maibé rezultadu 1-1 mantein nafatin no parese bele fahe pontu deit sai hanesan realidade hafoin apitu finál.

 

Maibé  árbitru hatudu penalidade iha minutu 87 no  Dani Parejo konsege halo ezekusaun ho susesu  iha minutu 88 hamosu  esplozaun kontente iha bankada.

 

Ho rezultadu ne’e, Valência agora iha pontu tolu liga española nian ne’ebé maka  okupa iha  pozisan 18ª. Ba  Alavés hetan  derrota dahuluk iha époka ne’e no okupa iha  klasifikasaun 12º prova nian.

 

SAPO TL ho SAPO Desportu

Quinta-feira, 22.09.16

Bayern Munique imparável iha Bundesliga

Arjen Robben taka kontajen  iha minutu 72. Renato Sanches lasai hosi banku Bayern Munique.


Foto: EPA/Andreas Gebert

 

Bayern Munique manán iha kuarta-feira hasoru Hertha Berlim ho 3-0, iha jogu ne’ebé konta  ba jornada dahaat Bundesliga nian, no garante lideransa izoladu iha prova ho pontu 12.

 

Iha  resesaun ba formasaun berlinense, ekipa Carlo Ancelotti lasente difikuldade atu hetan  pontu tolu. Ho Renato Sanches iha banku, bávarus inagura  markadór iha minutu 16  hosi intermédiu Ribéry. Bayern Munique manán tiha ona molok tama ba  intervalu, no  segunda parte  nafatin  hetan domíniu iha jogu ne’ebé ikus mai taka ho golu hosi Thiago Alcántara, halo ba  2-0 iha minutu 68, no Robben, iha minutu 72.

 

Ho  rezultadu ne’e, Bayern Munique kontinua sai lideransa izoladu Bundesliga nian ho pontu  12, liu rua hosi  klassifikadu daruak Colónia.

 

SAPO TL ho SAPO Desportu

Quarta-feira, 21.09.16

AC Milan hanesan ho Juventus iha klasifikasaun daruak Serie A nian

Hafoin vitória ne’ebé hetan iha San Siro hasoru Lazio ho  2-0.


Foto: EPA/DANIEL DAL ZENNARO

 

AC Milan iha ohin iha pontu hanesan ho  Juventus iha klasifikasaun daruak  kampeonatu futebol italianu, hafoin simu no manán  Lazio, ho 2-0,  ba inísiu jornada dalima prova nian.

 

Iha San Siro, kolombianu Carlos Bacca loke uluk golu, iha minutu 37, no fransés Niang, iha 74, liuhosi penalidade, konfirma vitória ba formasaun uma-na’in.

 

Ho  rezultadu ne’e, AC Milan soma pontu sia no koloka-an iha klasifikasaun daruak ho Juventus, ne’ebé sei simu Cagliari iha kuarta-feira ne'e , klube ida ne’ebé atua hosi  internasionál portugés Bruno Alves.

 

Nápoles, líder Serie A nian ho pontu 10  no adversáriu Benfica iha Liga dos Campeões, iha kuarta-feira ne’e sei desloka ba kampo Génova nian, ne’ebé maka seidauk bele konta ho Miguel Veloso tamba  sei iha kastigu.

 

SAPO TL ho SAPO Desportu

Terça-feira, 20.09.16

Ronaldo no Bale fila fali tuir treinu

Defeza sentrál portugés Pepe latreina hamutuk  ho plantel seluk no halo deit trenu iha jináziu, informa klube ne’e.


Foto: Lusa


Avansadu Cristiano Ronaldo no Gareth Bale ohin tuir fila fali treinu iha Real Madrid hafoin falla iha jogu hasoru  Espanyol no bele  konvoka ba jogu hasoru Villarreal, kuarta-feira ne’e, iha  liga española.

 

Portugés ne’e hetan  gripe no galés sofre lezaun  muskular ne’ebé sofre hasoru  Sporting (2-1), iha jogu jornada dahuluk Liga dos Campeões nian.

 

Molok  jogu ho katalaun, ne’ebé  Real Madrid manán  ho 2-0, tékniku fransés Zinedine Zidane hatete katak  nia lakohi  tau iha risku utiliza jogadór rua ne’e, no agora iha ona  posibilidade atu integra iha lista konvokadu nian hasoru Villarreal.

 

Defeza sentrál portugés Pepe latreina hamutuk  ho plantel seluk no halo deit trenu iha jináziu, informa klube ne’e.

 

SAPO TL ho SAPO Desportu

Segunda-feira, 19.09.16

Fiorentina hosi Paulo Sousa impede Roma atu sai lideransa

Fiorentina, ne’ebé orienta hosi treinadór portugés Paulo Sousa, sa’e ba klasifikasaun sia, ho pontu neen.


 

Roma iha ohin laaproveita oportunidade atu sai  lideransa iha futebol Liga italiana, hanesan ho Nápoles, lakon hasoru Fiorentina ho 1-0, iha  jogu ne’ebé taka  jornada dahaat nian.

 

Golu ne’ebé  deside iha jogu ne’e  akontese iha minutu 82, hosi médiu kroata Milan Badelj, ho remate ida maka’as, liuhosi rai no dook hosi área, kolaka bola ba baliza parte loos nian ne'ebé defende hosi  polako Wojciech Szczesny.

 

Ba  ekipa romana, lakonvoka laterál eskerda portugés Mário Rui, tamba sei iha  rekuperasaun ba lezaun.

 

Nápoles (3-1 ba Bolonha, iha sábadu)  hanesan  líder izoladu, ho pontu 10, tuir Juventus - ne’ebé lakon iha San Siro ho Inter 2-1 -, ho pontu sia no kuartetu ne’ebé forma hosi  Roma, Lazio, Chievo no Inter, hotu iha pontu hitu.

 

Fiorentina, ne’ebé orienta hosi treinadór portugés Paulo Sousa, sa’e ba klasifikasaun sia, ho pontu neen.

 

SAPO TL ho SAPO Desportu

pesquisar

 

Setembro 2016

D
S
T
Q
Q
S
S
1
2
3
4
5
6
7
8
9
10
11
18
24
25

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo