Terça-feira, 02.08.16

Brazil aumenta seguransa iha aeroportu sira

Nasaun anfitriaun hakarak simu lista hosi pasajeiru sira ne'ebé uza aviaun iha oras 72 antes. 

 

 Foto: Lukas Coch /EPA

 

Polísia Federal (PF) Brazil nian hakarak simu ho oras 72 antes, durante mós Jogu Olímpiku sira, lista hosi pasajeiru sira ne'ebé mai hosi estranjeiru ba nasaun ne'e, hatete hosi fonte polísia ida iha loron-segunda ne'e.

 

Durante inaugurasaun hosi sentru internasional ba koperasaun polisial, ne'ebé sei funsiona durante Jogu Olímpiku sira no Paralímpiku sira, xefe Interpol nian iha Brazil no delegadu hosi Polísia Federal, Valdecyr Urquiza Júnior, ne'ebé haktuir hosi jornal Folha de São Paulo, hatete katak prosedimentu tenki hahú hala'o "durante jogu sira".

 

Pasajeiru sira nia naran sei peskiza ho lista internasional ida hosi suspeitu terorizmu nian hamutuk 3.000 no rihun 44 seluk hosi krimi sira seluk.

 

Ajente seguransa estranjeiru sira sei partisipa iha sistema, verifika naran sira kompatriota nian diretu iha lista sira informasaun nian hosi sira nia nasaun orijen.

 

Iha inaugurasaun ba Sentru Koperasaun Polisial Internasional (CCPI), iha Brazília, ministru Justisa, Alexandre de Moraes, no diretor-jeral hosi Polísia Federal, Leandro Daiello, destaka ona katak sistema koperasaun internasional ba Jogu sira hanesan boot liu iha istória nasaun nian no iha Interpol (Organizasaun Internasional hosi Polísia Kriminal).

 

Leandro Daiello refere ona katak sistema ida hanesan uza tiha ona ba Kampeonatu Mundu Futeból nian iha 2014, iha Rio de Janeiro, bainhira "seguransa rekoñesidu hanesan pontu ida importante liu" iha kompetisaun.

 

Tuir xefe Interpol nian iha Brazil, Polísia Federal uza mós sistema ida rekoñesimentu oin nian no imajen sira rekolla iha pontu oioin sirkulasaun nian, hanesan aeroportu sira ka arena desportivu sira.

 

Ministru Justisa hatutan ona katak aumenta mós sistema foun ida rekolla nian no verifikasaun ba impresaun dijital sira hosi pasajeiru sira hotu ne'ebé to'o iha Brazil.

 

"Ami halo ona lisaun hosi uma. Buat hotu modernu liu, buat hotu ne'ebé iha integrasaun ho nasaun sira seluk, informasaun no intelijénsia, Brazil iha. Entaun, ami prepara ba eventualidade ruma", hatutan hosi governante.

 

CCPI ida seluk sei inaugura iha loron-tersa iha Rio de Janeiro.

 

Jogu Olímpiku no Paralímpiku sira sei hala'o entre loron-sesta ne'e to'o loron 18 Setembru.

 

@SAPO Desporto

Rio2016 - Fotos

Os dias antes da abertura dos Jogos Olímpicos 2016 no Rio de Janeiro, Brasil.

Loron sira antes hahú Jogu Olímpiku sira 2016 nian iha Rio de Janeiro, Brazil.


Fonte: Agência Lusa

Nápoles iha ona substitutu ba Higuaín

Rekorda katak  Nápoles ´lakon` Higuaín ba Juventus, hafoin simu  millaun 90 hosi venda ba  internasionál arjentinu ne’e.


Foto: DR

 

Nápoles lakohi lakon tempu barak no arranja ona substitutu ba Gonzalo Higuaín. Trata ho naran  Arkadiusz Milik, avansadu polaku ne’ebé joga iha Ajax Holanda nian.

 

Aurelio De Laurentiis, prezidente napolitanu, anunsia ona kontratasaun ba avansadu ho tinan  22 iha nia  konta ofisiál twitter. Iha kalan ne’e, jogadór aprezenta ona ba adeptu sira molok hahú jogu partikular hasoru Nice, ne’ebé italianu manán ho 3-0.

 

Valór transferénsia laanunsia maibé imprensa italiana hatete katak jogadór nia folin euro millaun 35 ba Nápoles.

 

Rekorda katak  Nápoles ´lakon` Higuaín ba Juventus, hafoin simu  millaun 90 hosi venda ba  internasionál arjentinu ne’e.

 

SAPO TL ho SAPO Desportu

pesquisar

 

Agosto 2016

D
S
T
Q
Q
S
S
1
2
3
4
5
6
7
8
9
14
20
21
28
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo