Sexta-feira, 22.07.16

Timor-Leste hakarak hala'o jogu sira iha 2020

São Tomé & Prínsipe maka sei hala'o eventu ne'e iha tinan rua oinmai. 

 

 

Sekretáriu Estadu ba Juventude no Desportu Timor-Leste nian, Leovizildo da Costa, hatete iha loron-sesta ba ajénsia Lusa katak nia nasaun prepara hela no hakarak organiza jogu sira CPLP nian iha tinan 2020.

 

Jogu sira CPLP nian tuirmai karik sei akontese iha São Tomé & Prínsipe, halo nune'e, lahó Guiné Ekuatorial, sei falta de'it Timor-Leste hodi hala'o eventu multidesportivu ne'e maibé sekretáriu Estadu afirma ona katak nasaun hakarak halo iha tinan 2020.

 

Sekretáriu estadu ba Juventude no Desportu ko'alia ba Lusa iha illa kabu-verdianu Sal, ne'ebé hahú loron-domingu liubá hala'o hela Jogu sira CPLP nian ba dasanuluk.

 

Tuir sekretáriu Estadu, Timor-Leste seidauk hala'o Jogu sira CPLP nian tanba nasaun "sai hanesan ikus nafatin tuir distribuisaun hosi atividade sira", maibé halo ona ajenda ida ba tinan 2020.

 

"Iha termu sira proporsionalidade no distribuisaun atividade sira, Timor-Leste maka hanesan ikus maibé prontu nafatin hodi hala'o eventu importante sira", hatete hosi governante hodi garanti katak nasaun prepara hela hodi simu eventu iha tinan haat oinmai.

 

Leovizildo da Costa, ne'ebé partisipa ona iha konferénsia hosi ministru sira Juventude no Desportu nian ne'ebé hala'o iha ámbitu ba Jogu sira CPLP nian hatete katak sei aproveita hodi hetan esperiénsia hosi Cabo Verde iha organizasaun hodi nune'e bele aplika koñesimentu sira iha nia nasaun.

 

Jogu sira CPLP nian hanesan eventu multidesportivu ida ne'ebé nia edisaun dahuluk hala'o iha tinan 1992 iha Lisboa, tuir Bissau (1995), Maputo (1997), Praia (2002), Luanda (2005), Rio de Janeiro (2008), Maputo (2010), Mafra (2002), Luanda (2014) no Sal (2016).

 

Jogu sira destina ba atleta mane no feto sira hosi sub-16, maibé iha natasaun no atletizmu paralímpiku bele partisipa hosi atleta sira sub-20.

 

Eventu iha illa Sal, ne'ebé hotu iha loron-domingu ne'e, hetan prezensa hosi joven atleta na'in 500 resin ne'ebé kompete hela iha modalidade sira hanesan futebol atletizmu, andebol, taekwondo, basquetebol, natasaun no voleibol tasi-ibun nian.

 

Portugal lideta kuadru medalla sira nian ho total osan-mean 19, no medalla ikus hetan iha loron-sesta ne'e iha andebol, iha torneiu ida ne'ebé Brazil hetan medalla prata no Angola hetan medalla bronze.

 

Sei falta hatene vensedór sira iha modalidade basquetebol no futebol, no prova natasaun, voleibol tasi-ibun nian, atletizmu ho taekwondo hotu tiha ona.

 

@SAPO Desporto

Julen Lopetegui sai selesionadór foun ba España

Antigu treinadór FC Porto sei  aprezenta iha kinta-feira ne’e hanesan susessór ba Vicente del Bosque.


Foto: JOSE COELHO / EPA

 

Julen Lopetegui sai hanesan selesionadór foun ba futeból españól. Antigu treinadór FC Porto - orienta 'dragaun' entre maiu 2014 no janeiru de 2016, sein konkista títulu– hetan  eleitu hosi Federasaun española modalidade ne’e hodi troka Vicente del Bosque.

 

Lopetegui sai tiha ona selesionadór españól sub-21 no agora assume tarefa ba komanda selesaun prinsipál, ne’ebé lakonsege liu iha  oitavu finál Euro2016 nian, hetan eliminadu hosi Itália.

 

Selesionadór foun sei aprezenta iha oras 18h30 lokál nian, iha  Sidade Futeból Las Rozas.

 

SAPO TL ho Sapo Desportu

pesquisar

 

Julho 2016

D
S
T
Q
Q
S
S
1
2
3
4
5
6
7
8
9
16
17
23
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo