Inu ofisiál enaltese jogu ba iha lian ida

Kompetisaun sira  arranka ona iha domingu dader, ba kalan  akontese serimónia abertura.


 Foto: Portal de Angola

 

Jogu desportivu hosi Komunidade Nasaun Lia-Portugés (CPLP), sei hala’o entre domingu no 24 jullu iha Kabuverde, konta ho inu ofisiál ne’ebé enaltese  jogu ba lian ida, informa iha horisehik  organizasaun ne’e.

 

Iha  nota imprensa, komisaun organizadora iha  jogu informa katak  hino, ho lema hanesan "Jogamos na mesma Língua", koa’lia kona-ba konkista no kamaradajen.

 

"Ho nia objetivu atu kria relasaun ida entre públiku, atleta  sira no  Jogu CPLP badala X, maka hotu-hotu rekoñese obra ne’e hanesan símbolu ida ne’ebé reprezenta eventu no aura hotu ne’ebé  envolve", haktuir iha komunikadu.

 

Inu ne’e, hakerek ho  portugés hosi artista kabu-verdianu, sei toka durante iha serimónia abertura no enserramentu edisaun Jogu CPLP  X, hafalun no hasa’e Bandeira Olímpiku.

 

Jogu sira CPLP nian sei hala’o entre domingu no 24 jullu iha illa kabu-verdiana do Sal, ho partisipasaun, badahuluk, nasaun hotu ne’ebé  hamutuk iha komunidade: Kabuverde, Angola, Brazil, Giné-Bisau, Giné-Ekuatorial, Mosambiké, Portugál, Saun Tomé no Prínsipe no Timor Leste.

 

Tuir  programa, atividade sira sei hahú iha loron 15, ho reuniaun tékniku komissaun Desportu no Juventude, tuir mai, iha loron 16, ho reuniaun xefe misaun, diretór jerál Desportu no Juventude, treinadór  sira no inísiu konferénsia ministru Desportu CPLP nian.

 

SAPO TL ho SAPO Desportu