Timoroan selebra vitória Portugál nian ho apitu no fogete

Timoroan barak selebra ho fogete, karavana ho motor no karreta no apita iha pasajen Portugál nian ba meias-finais futeból Europeu, iha jogu ne’ebé  realiza ohin iha Fransa, nakonu ho kór bandeira portugés nian.


Foto: AFP or licensors

 

Bainhira jogu remata, sesta-feira dader iha Díli tamba oráriu ne’ebé lahanesan, rona iha sidade nakonu ho fogete nia lian, ho ema barak halo karavana haleu sidade laran.

 

Iha  fatin  portugés balun, hanesan iha delegasaun Lusa nia oin, Avenida Portugál, timoroan balun halo selebrasaun ho bandeira portugés.

 

Jogu akompaña ho diretu liuhosi transmisaun televizaun timoroan, ETO+, iha fatin  barak sidade nian ne’ebé komunidade portugeza asiste hamutuk ho timoroan sira, iha Hotel Timor no Sport Díli e Benfica.

 

Vitória Portugál nian sempre akollidu ho selebrasaun boot iha Díli, ne’ebé maka  futeból akompaña ho besik.

 

Tamba  jogu ne’e  transmite liuhosi  televizaun timoraon permite atu ema hotu akompaña, maski oras tarde - jogu ohin ne’e hahú tuku  04:00 oras lokál nian– barak maka hader ona liliu atu haree jogu ida ne’e.

 

Portugál iha ohin hakat ba meias-finais  futeból Europeu 2016, halakon Polónia ho 5-3, no termina liuhosi penalidade, hafoin 1-1 durante minutu 120.

 

Portugál, ne’ebé lakon hela, hosi kulpa golu ida Robert Lewandowski nian (minutu 02), no halo empata hosi Renato Sanches (33), sei hasoru iha meias-finais Nasaun Gales ka Bélgika, iha enkontru ne’ebé marka ba kuarta-feira ne’e, iha Lyon.

 

SAPO TL ho SAPO Desportu