Terça-feira, 28.06.16

Maradona: "Messi tenki kontinua iha selesaun"

Diego Maradona husu ba Lionel Messi hodi kontinua iha selesaun arjentina nian. 

 

 

Eis-futebolista internasional arjentinu Diego Maradona husu ona, iha loron-segunda, ba Lionel Messi hodi kontinua joga iha selesaun.

 

"Messi tenki kontinua iha selesaun. Nia tenki kontinua tanba nia tenki to'o iha Rúsia iha kondisaun sira hodi sai kampeaun mundu nian" iha tinan 2018, afirma ona hosi Maradona iha deklarasaun sira ne'ebé haktuir hosi portal jornal arjentinu nian La Nacion.

 

Messi, ho tinan 29, fó sai ona iha loron-domingu, nia adeus ba formasaun ‘albi-celeste’ hafoin lakon final foun ida iha Copa Amérika Centenário hasoru Xile iha penalidade.

 

Jogar koñesidu arjentinu, ne'ebé tinan ne'e eleitu fali nu'udar jogadór di'ak liu iha mundu, konkista Bola Osan-Mean ba dala lima, esplika ona katak hanoin ona iha desizaun ne'e iha balneáriu no to'o ona oras hodi tau pontu ikus iha selesaun.

 

Maradona, ho tinan 55, atribui falta troféu hosi Arjentina iha tinan hirak ikus ne'e ba Asosiasaun Futeból nasaun nian (AFA), hodi akuza katak la apoia Messi no la husik nia asumi kulpa ba lakon iha loron-domingu hodi taka nia defisiénsia sira iha jestaun desportivu.

 

"Tenki apoia tan labarik-mane sira ne'ebé bele ajuda nia lori ekipa ba oin no hamenus sé maka hatete atu sai. Hadook sira ne'ebé la husik nia tanis!", nia afirma ona.

 

"Sira ne'ebé hatete katak tenki sai halo atu ita labele haree katak futeból arjentinu hanesan dezastre ida", eis-futebolista hatete nia krítika ba AFA.

 

AFA hasoru krizi institusional ida iha fulan barak nia laran, nune'e FIFA nomeia ona, iha loron-sesta liubá, komisaun regularizasaun ida ne'ebé sei administra nia atividade loron-loron no organiza eleisaun sira antes loron 30 Juñu 2017.

 

FIFA investiga AFA liuhosi supervizór judisiál na'in tolu hahú hosi fulan-Juñu 2015 tanba deskonfia iregularidade iha jestaun ba fundu públiku sira ne'ebé simu hosi parte Governu nian tanba direitu sira ba transmisaun jogu sira iha televizaun.

 

@SAPO Desporto

Jogu CPLP badahuluk konta ho nasaun sia

Kabuverde organiza eventu ne’e ba daruak, hafoin  edisaun IV  2002, iha sidade Praia.


Foto: SAPO

 

Jogu CPLP nian, ne’ebé akontese fulan jullu ne’e iha illa Sal nian, Kabuverde, sei konta badahuluk ho prezensa nasaun sia, hafoin integrasaun Giné Ekuatorial ba komunidade, 2014.

 

Iha  17 to’o 24 jullu, eventu multidesportivu sei konta ho partisipasaun  atleta 531 hosi  sub-16, ne’ebé sei  kompete iha modalidade hitu - andeból, atletizmu no atletizmu ba portadores defisiénsia (sub-20), basketeból, futebol, voleiból praia, taekwondo no natasaun, ba iha rua ikus ne’e badahuluk inklui iha kompetisaun ne’e.

 

Prova ne’e  sei hala’o iha Espargos iha Santa Maria, Estádio Marcelo Leitão, hahú realiza serimónia abertura no enserramentu, iha praia da Santa Maria, ho prova natasaun, voleiból no futebál praia.

 

Durante aprezentasaun ohin iha sidade Praia, hosi  diretór jerál Desportu kabu-verdianu, Gerson Melo, hatete katak  Jogu CPLP hanesan "Jogu Olímpiku iha dimensaun Kabuverde" ne’ebé durante semana ida iha  illa Sal sei sai hanesan "kapitál desportu nian" ba komunidade.

 

Gerson Melo informa moos kona-ba realizasaun jogu konferénsia ho ministru Deportu CPLP nian, iha moos illa do Sal.

 

Iha fatin hanesan, prezidente Câmara Municipal do Sal, Jorge Figueiredo, garante katak, grasa ba infraestruturasaun, illa ne’e preparadu ona atu simu kompetisaun ne’e no kualkér eventu kulturál seluk ka polítiku.

 

Perante iha plateia patrosinadór sira, dirijente desportivu, korpu diplomátiku ho sira seluk, edil salense afirma katak  Jogu CPLP nian tenki dezepeña "papel importante" ida iha promosaun ba relasaun  entre povu, interkulturais no bele kontribui ba pás iha mundu.

 

Opiniaun hanesan hato’o moos hosi  ministru Desportu kabu-verdianu, Fernando Elísio Freire, katak "iha momentu  inserteza, CPLP tenki iha serteza ida" no jogu sira ne’e sai hanesan  fator integrasaun ba povu, promosaun no reforsu iha espasu luzófonu.

 

Ministru ne’e haktuir  katak "di’ak liu" tamba sai hanesan  primeiru jogu hafoin  CPLP  haluan ba nasaun sia, ho entrada Giné Euatorial, iha  2014.

 

Governante ne’e hatutan tan katak, iha parte seluk, importante tebes atu Kabuverde konsege prova ida katak hatene simu no iha kondisaun hotu atu organiza eventu internasionál boot no ikus mai, sei iha tan  CPLP, iha tan luzofonia, iha tan  turizmu, iha tan ekonomia no iha tan dezenvolvimentu ba Kabuverde.

 

Ne’e hanesan  segundavez  maka  Kabuverde organiza eventu, hafoin edisaun  IV iha 2002, iha sidade Praia.

 

Edisaun jogu XI, ho  objetivu prinsipál atu reforsa solidariedade entre povu hosi  estadu membru CPLP nian, ne’ebé sei hala’o iha Saun Tomé no Prínsipe iha  2018.

 

SAPO TL ho SAPO Desportu

Szczesny: "Portugál laós deit Cristiano Ronaldo"

Portugál hasoru Polónia kinta-feira oin  iha Marselha. Enkontru ne’ebé sei hahú iha 20h00.


Foto: ALBERTO PIZZOLI / AFP

 

Guarda-redes polako Wojciech Szczesny afirma iha ohin katak nia rekuperadu totál ona  no, maski seidauk  sente opsaun ba iha enkontru  ‘kuartus finais’ Euro2016 nian, nia konsidera katak  Portugál “laós deit Cristiano Ronaldo”.

 

“Ha’u seidauk 100 pursentu, tamba ne’e ha’u seidauk kapás atu ajuda ekipa, karik liuhosi banku”, hatete jogadór Roma, ne’ebé empresta hosi Arsenal, iha  deklarasaun ne’ebé fó sai iha  pájina ofisiál kompetisaun nian.

 

Resignadu ho impedimentu fíziku, nia konsidera “agradável” hamutuk nafatin ho  ekipa, liliu  saida maka atu hasoru iha oin  “tarefa boot liu” maka hasoru Portugál.

 

“Ami halo servisu ida di’ak hasoru  Suíça no ami sei tenta halo hanesan iha kinta-feira (20:00, iha Marselha)”, haktuir  Szczesny, ne’ebé konsidera portugés sira “ekipa ida di’ak”.

 

“Laós deit  Cristiano Ronaldo no to’o ema balun  hatete nia lajoga ho forma ida di’ak. Maski nune’e, ha’u hakarak nia hamutuk iha ha’u nia  ekipa”, ni hatutan tan katak, “impressiona tebes ho Renato Sanches”.

 

Avansadu Mariusz Stepinski ne’ebé seidauk atua iha prova kontinentál, maibé konfessa katak “hakat ba  Fransa ne’e ba nia deit esperiénsia ne’ebé lasukat nia folin”.

 

“Mehi atu  partisipa iha torneiu ho dimensaun hanesan ne’e, sai  realidade”, informa  atakante hosi Ruch Chorzow, ne’ebé hein  joga liu iha  Europeu sub-21, maka  Polónia sei organiza iha tinan oin.

 

Refere  moos  nia admira ho Cristiano Ronaldo , liliu“ hosi nia hamlaha iha golu sira”.

 

SAPO TL ho SAPO Desportu

pesquisar

 

Junho 2016

D
S
T
Q
Q
S
S
1
2
3
4
5
6
7
8
9
12
25
26

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo