Terça-feira, 21.06.16

Austrália hakarak aumenta seguransa hafoin agresaun ba atleta paralímpiku

Atleta no fizioterapeuta hetan asaltu iha loron-domingu bainhira pasiar ho bisikleta iha parke ida iha Rio de Janeiro. 

 

 

Komité Paralímpiku hosi Austrália husu ona iha loron-tersa ne'e ba organizadór sira hosi Jogu sira Rio2016 hodi aumenta seguransa, hafoin atleta ida no fizioterapeuta ida hetan asaltu iha loron-domingu bainhira sira pasiar ho bisikleta iha parke ida iha Rio de Janeiro.

 

Liesl Tesch, kampeaun paralímpiku vela nian iha Londres2012 no jogadora basket iha kadeira roda, relata ona katak ema agresor sira husu osan ba nia no ida aponta ba nia arma ida.

 

Xefe misaun paralímpiku australianu nian, Kate McLoughlin, garanti ona katak Liesl Tesch ho nia fizioterapeuta, ne'ebé asaltante sira naok sira nia bisikleta, la hetan kanek ida, maibé senti "xokadu no preokupadu".

 

"Ami senti la hakmatek, organizadór sira tenki haree nível seguransa ne'ebé aas, lalais, antes mosu tan situasaun sira perigu nian. Ami hakerek ona ba sira hodi husu", afirma hosi Kate McLoughlin.

 

Iha semana rua liubá, atiradora brazileira hetan tiru iha ulun iha tentativa ida asaltu nian iha Rio de Janeiru, bainhira lori kareta iha zona norte sidade nian, ne'ebé hanesan fatin halo Jogu Olímpiku sira no Paralímpiku sira.

 

Atake ba Anna Paula Cotta, ne'ebé iha hela ospital ho estadu todan, hanesan akontesimentu ida ne'ebé akontese hafoin asaltu ho arma ne'ebé halo hasoru elementu sira hosi ekipa olímpiku españól vela nian, iha fulan-Maiu.

 

Rio de Janeiro sei hanesan palku hosi Jogu Olímpiku sira entre loron 05 to'o 21 Agostu no simu Jogu Paralímpiku sira entre loron sira 07 - 18 Setembru.

 

@SAPO Desporto

Gareth Bale: "Ne’e maka ita nia mehi"

Nasaun Gales manán iha segunda-feira ne’e hasoru Rússia ho 3-0 no assegura ba  primeiru klasifiikasaun Grupu B.


 

Gareth Bale sente  kontente tebes hafoin Nasaun  Gales hakat ba oitavus finál Kampeonatu Europa nian.

 

"Ami sai lideransa ba grupu. Saida maka ami sei bele halo tan?", nia afirma.

 

Hafoin hahú ho  ezibisaun ida  brillante, Bale konsidera "mehi ida" tama ba kualifikasaun.

 

"Ami hatene katak buat hotu sei alkansa. Maibé ne’e sai hanesan jogu di’ak liu dezde ha’u  reprezenta selesaun. Ne’e maka  maneira di’ak liu atu termina grupu. Mehi ida ba ami hotu. Ami hatete katak ami hakarak esforsa-an, konsege duni atinje objetivu, saida maka ami sei halo tan?", nia kestiona.

 

SAPO TL ho SAPO Desportu

pesquisar

 

Junho 2016

D
S
T
Q
Q
S
S
1
2
3
4
5
6
7
8
9
12
25
26

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo