Deschamps: "Ami monu oituan maibe rekompensadu iha finál

 

Fransa manan hasoru  Roménia ho 2-1, iha jogu abertura  ba Euro2016 nian.


 

Foto: AFP

 

Didier Deschamps lagosta atu haree nia ekipa monu iha  rendimentu hafoin  1-0 ho Roménia. selesionadór fransés ne’e konsidera katak  vitória Fransa hasoru  Roménia iha  abertura Euro2016 ne’e  justa, enkontru ida ne’ebé laós fásil ba gaules sira.

 

"Vitória ida  justu.  Roménia laós adversáriu ida fásil. Ami hatene ona no jogu la’o duni hanesan ne’e, maski hafoin inagura  markadór", rekorda Didier Deschamps, iha konferénsia imprensa.

 

Fransa só konsege tenta nia vitória iha minutu 89, ho remate tremendu Dimitri Payet nian. Golu ne’ebé  fó justisa ba markadór, tuir opiniaun Deschamps.

 

"Ami iha okaziaun barak, maibé ami moos husik espasu no sira  konsege hamosu igualidade. Ami monu oituan, maibé ikus mai ami bele  rekompensa iha  finál. Iha jogu abertura, laós fásil, ha’u garante katak ami joga atu manán", elojia selesionadór fransés ne’e.

 

 Fransa manán  Roménia ho  2-1, iha jogu abertura Euro2016 nian.

 

SAPO TL ho SAPO Desportu