Segunda-feira, 04.01.16

Serena Williams falla estreia iha Tasa Hopman

Tenista norte-amerikana ho tinan 34 iha lezaun ida iha ain-tuur ida.



Tenista norte-amerikana Serena Williams, númeru ida mundiál, tenki dezisti iha loron-segunda ne'e hosi jogu dahuluk iha Tasa Hopman, iha Austrália, tanba inflamasaun ida iha ain-tuur ida.

 

Williams, ho tinan 34, tenki hasoru tenista ukranianu Elina Svitolina iha singulár femininu, maibé nia fó sai katak dezisténsia minutu sira antes enkontru estreia iha torneiu ne'e hosi ekipa mista sira, ne'ebé hala'o iha Perth no ne'ebé prepara hodi hetan nia vitória ba dala hitu iha Open Austrália nian, torneiu "Grand Slam" dahuluk tinan 2016 nian.

 

Substituidu hosi Vicky Duval, amerikana hatete katak problema iha ain-tuur la'ós todan no hein katak bele reprezenta Estadus Unidus iha nia konfrontu daruak, hasoru Austrália Gold, ekipa ida ne'ebé reprezenta nasaun anfitriaun.

 

"Ha'u senti triste tanba ohin la ba "court" iha Perth. Ha'u hanoin atu joga. Infelismente, tanba inflamasaun ida iha ain-tuur, ha'u tenki deskansa no ha'u fiar katak bele hasoru Austrália Gold iha loron-tersa", nia hatete.

 

@ SAPO Desporto

Tottenham empata ho Everton maibé mantein iha dahaat

Ohin, Chelsea fila hikas, bainhira manán Crystal Palace 3-0, hafoin fulan haat dook hosi kampeonatu.


Foto: DR

 

Ohin Tottenham empata (1-1) hasoru Everton, iha Goodison Park, iha jogu hosi 20.ª jornada liga ingleza futeból nian iha ne’ebé ‘spurs’ sira di’ak tebes iha primeira parte.

Tottenham nafatin iha fatin dahaat, agora ho pontu tolu liu Manchester United (5.º klasifikadu), maibé kuaze atu lakon, sorte golu hosi Aaron Lennon, nia golu primeiru iha kampeonatu (iha minutu 22).

Molok ne’e, ekipa tiru ona ba baliza Everton nian, iha minutu ualu, kria situasaun perigu ne’ebé halo hikas iha minutu  29, ho Davies remata bola ho maka’as  ba barra baliza hosi formasaun Liverpool nian.

Everton marka ona iha nia primeiru remate ba baliza no Tottenham tenke hein servisu furak hosi Alli, bainhira simu iha peitu no remata bola, hodi marka golu 1-1, iha minutu 45.

Iha segunda metade, iha jogu parada no resposta, Everton hatudu ho di’ak, no Besic hetan oportunidade boot hodi marka, ho suta maka’as no defende hosi Lloris, iha minutu 79.

No ohin, Chelsea fila hikas, hafoin fulan haat dook hosi kampeonatu, bainhira manán Crystal Palace 3-0, iha Selhurst Park, iha Londres, iha jogu 20.ª jornada.

Ne’e hanesan jogu ‘rekorde’ ba formasaun ne’ebé oras ne’e hetan treinu hosi olandés Guus Hiddink, ho Chelsea konsege mós hetan rezultadu ne’ebé di’ak iha liga iha époka ne’e  no série ne’ebé di’ak tebes  iha jogu sira sein lakon (triunfu rua no empate rua).

‘Blues’ sira marka hosi Oscar  iha (minutu 29), Willian (60) no Diego Costa (66), konsege hetan rezultadu ne’ebé di’ak, no manán Maccabi Telavive 4-0 iha jogu rua iha Liga Kampeaun.

Presiza mós rekua to’o 23 agostu, iha jogu ida iha uma West Bromwich nian (3-2), iha terseira jornada, hodi hanoin hikas ba dala ikus mak kampeaun inglés dook hosi nia terrenu, bainhira sei komanda hosi José Mourinho, ne’ebé despede iha loron 17 dezembru.

 

SAPO TL ho SAPO Desportu

pesquisar

 

Janeiro 2016

D
S
T
Q
Q
S
S
1
2
3
4
5
6
7
8
9
17
23
24
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo