Sexta-feira, 29.01.16

Shaquille O'Neal sei hetan estátua iha Los Angeles

Antigu basketebolista sei tau  sentru   sidade nian, besik  estátua hosi  atleta seluk, hanesan Wayne Gretzky no Oscar de la Hoya.


 

Antigu basketebolista Shaquille O'Neal sei hetan homenajen hosi Los Angeles Lakers hodi harii estátua ida iha resintu desportivu ekipa norte-amerikanu nian, tuir anunsia hosi klube.

 

Ho nune’e ‘Shaq’ hamutuk, ho personalidade modalidade seluk ne’ebé lori Lakers ba  momentu ne’ebé di’ak liu iha nia istória, hanesan Jerry West, Kareem Abdul-Jabbar no Earvin ‘Magic’ Johnson.

 

Estátua ne’e sei besik Wayne Gretzky (hóquei no gelo), Oscar De La Hoya (boxe), ne’ebé maka iha duni sentru Los Angeles nian.

 

Shaquille O'Neal hamutuk ho Lakers iha 1996, hafoin hahú nia karreira iha Orlando Magic, no konkista títulu NBA iha 2000 ba 2002, ne’ebé maka konsidera hanesan jogadór valiozu liu iha prova hafoin nia époka dahuluk iha Los Angeles.

 

SAPO TL  ho sapo Desportu

Quinta-feira, 28.01.16

Luís Figo asisti ona iha Xina torneiu hosi akademia ne'ebé ho nia naran

Espansaun lalais hosi Winning League akontese hamutuk ho interese maka'as hosi Governu xinés ba futeból no aumentu hosi kbiit finanseiru hosi klubu prinsipál lokál sira nian. 

 

 

Antigu kapitaun hosi selesaun portugés futeból nian, Luís Figo, asisti iha loron-kinta ne'e iha Chengdu, sudueste Xina nian, torneiu datoluk hosi akademia xineza hosi modalidade, ne'ebé uza nia naran, Winning League/Figo Football Academy.

 

Luís Figo to'o iha kapitál provínsia Sichuan hafoin asina tiha iha loron-kuarta iha Hohhot, iha norte Xina nian, akordu ida parseria estratéjiku nian ho klube lokál, Nei Mongol Zhongyou F.C.

 

Portugés sai hanesan prezidente honoráriu hosi konjuntu ne'ebé kompete iha liga daruak xineza nian no nia jestaun sei kaer hosi Winning League.

 

Lansa ona iha Pekin iha primavera tinan 2014, ho diresaun hosi tékniku portugés Joaquim Preto, akademia ne'e implantadu ona iha sidade 14 iha Xina.

 

Hamutuk, ho alunu na'in 4000 resin, entre tinan haat to'o tinan 13, fó ona serbisu ba treinadór portugés na'in 60 no treinadór sira ne'e iha diploma hosi Federasaun Portugés Futeból nian no hosi UEFA.

 

Espansaun lalais hosi Winning League akontese hamutuk ho interese maka'as hosi Governu xinés ba futeból no aumentu hosi kbiit finanseiru hosi klubu prinsipál lokál sira nian.

 

Tuir relatóriu ida hosi FIFA ne'ebé fó sai iha loron hirak liubá, iha tinan 2015 Superliga xineza sai hanesan merkadu boot daneen ba transferénsia nian, lakon de'it hasoru kampeonatu prinsipál europeu sira nian.

 

Klube xinés sira gasta ona euro millaun 155 resin iha kontratasaun sira, aumentu ida ba 68% hasoru tinan 2014 no karik sei aumenta tan iha tinan ne'e.

Iha loron-kuarta, Jiangsu Suning ofisializa ona kontratasaun hosi médiu internasionál brazileiru Ramires, eis-Benfica ne'ebé joga iha Chelsea, ho negósiu ida ne'ebé imprensa britániku avalia iha euro millaun 27 resin.

 

Iha loron hanesan, Shanghai Greenland sosa ona eis-jogadór FC Porto nian Fredy Guarin, hosi Inter Milaun ho millaun 13.

 

Superliga xineza kompete mós ho naran koñesidu seluk hosi adeptu portugés sira nian: médiu internasionál Ruben Micael, ne'ebé aliña ba Shijiazhuang Everbrigh.

 

Apoia hosi lideransa iha Xine, "mehi xinés" ba futeból liuhosi etapa tolu: kualifika ba faze finál Mundiál nian, hala'o Mundiál ida ba dala uluk no loron ida sei manán Mundiál ne'ebé nasaun aziátiku ida seidauk hetan.

 

Semana ne'e, multinasionál xineza Ledman fó sai ona katak klube sanulu di'ak liu hosi Liga Portugés II futeból nian sei simu, tinan-tinan, jogadór xinés ida.

 

Folin hosi patrosíniu ne'e, agora daudaun, hanesan "segredu" ida, hatete hosi prezidente firma nian, Martin Lee, iha Pekin.

 

@SAPO Desporto

Barcelona hakat ba oin hafoin halakon Ath. Bilbau

Ekipa Katalaun hatudu favoritizmu durante hasoru ekipa baska no hakat ba meias-finais.


Foto: Lusa

 

FC Barcelona, hanesan detentór  troféu, iha ohin hakat ba meias-finais  Taça do Rei  futeból España  nian, hafoin hetan  vitória  iha uma rasik, ho  3-1, hasoru  Athletic  Bilbau, iha jogu ba  ronde daruak nian.

 

Ba rezultadu hanesan iha jogu nasaun Basku ho(2-1), kontribui hosi golu Iñaki Williams ( minutu 12), maka inaugura golu dahuluk ba vizitante sira, no uruguai Luís Suárez (53), Gerard Piqué (81) no Neymar (90+1) ba ekipa uma nain.

 

Iha jogu seluk ne’ebé hala’o moos iha ohin, Celta  Vigo halakon Atlético de Madrid, ho vitória  laós iha rasik ho 3-2, hafoin zero iha  Galiza, iha ronde dahuluk.

 

Iha jogu seluk tan ‘kuartus finais’ nian sei hala’o iha  kinta-feira ne’e, entre Las Palmas noValência (1-1 iha primeira mão) no Sevilla ho Mirandés (0-2).

 

SAPO TL ho SAPO Desportu

Quarta-feira, 27.01.16

Liverpool iha finál “Taça Liga inglesa”

Pasajen  ne’e   akontese hafoin tinan haat.


 

Foto : PETER POWELL/EPA

 

Liverpool kualifika iha tersa-feira ne’e ba  iha finál  “Taça  futeból  Liga inglesa”, ne’ebé maka  hasai Stoke liu hosi markasaun  penalidade, hafoin lakon 1-0 iha ronde daruak meias-finais.

 

 Manán tiha iha ronde dahuluk  ho 1-0, ‘reds’ labele defende nia rezultadu  hodi Stoke halo empate iha jogu eliminatóriu ne’e ne’ebé marka hosi austríaku Marko Arnautovic, iha minutu 45+1, hafoin hetan pase ida hosi español Bojan Krkic.

 

Rezultadu ne’e  mantén to’o iha minutu 120,  guarda-rede belga Simon Mignolet maka sai herói iha  jogu ne’e, nia konsege salva  penalidade boot rua hodi  garante triunfu ho 6-5.

 

 ‘Reds’  hakat fali ba iha  finál  “Taça  Liga”  nian hafoin  tinan haat sai kampeaun iha  kompetisaun ne’e, sira sei hein adversáriu ne’ebé maka sei define hosi konfrontu entre Manchester City e Everton, hanesan ho Liverpool sira ne’ebé defende nia vantajen ho 2-1.

 

SAPO TL ho SAPO Desportu

Terça-feira, 26.01.16

Liga Futebol Amadora

FC Zebra vs Karketu Dili FC


Federasaun hitu hosi futeból Amérika Sentrál apoia Infantino

Eleisaun ba iha FIFA realiza iha loron 26 fevereiru .


Foto: SAPO Desporto

 

UNCAF, asosiasaun hosi federasaun futeból Amérika Sentrál, anunsia iha ohin sira nia apoiu ba Kandidatura suísu Gianni Infantino ba iha prezidénsia FIFA.

Komunikadu ida hosi organizmu, ne’ebé  vale votu hitu no ba deit sira maka integra iha CONCACAF (Norte Amérika  , Sentru no Karaíbas), fó- sai katak sira sei apoia atuál sekretáriu-jerál FIFA nian.

 

Desizaun ne’e foti durante  reuniaun ida iha Panamá, nasaun ne’ebé  integra iha UNCAF, hamutuk ho  El Salvador, Kosta Rika, Honduras, Guatemala, Belize no Nikarágua.

 

SAPO TL ho SAPO Desportu

Segunda-feira, 25.01.16

Wenger fó-sala Diego Costa hosi espulsu Mertesacker

Arsenál lakon iha uma rasik hasoru Chelsea ho 1-0 no husik  Leicester okupa iha lideransa Liga Ingleza.


Foto: Lusa

 

Arsenál  lakon iha uma rasik hasoru Chelsea ho  1-0 no hosik Leicester iha lideransa  Liga Inglesa. Jogu ne’e  markadu ho espulsaun Mertesacker iha  minutu 20, hafoin iha lanse ho Diego Costa. Wenger, tékniku hosi "gunners", fó -sala ba ispanu-brazileiru ba espulsaun Arsenál nian iha hosi alemaun  .

"Ba  iha forma  jogu  Diego Costa , nia di’ak duni ba ida ne’e ", komesa  dehan  Wenger, antes koa’lia kona-bá  espulsaun.

"ha’u hanoin desizaun  hosi  árbitru ne’e todan liu, maibé  ami tenki hatene simu.  Árbitru lalais liu hola desizaun  fó  kartaun mean", nia hatutan.

Maski lakon , tékniku ne’e  gosta atuasaun hosi nia  pupilu sira.

"Ami iha oportunidade, pelumenus, halo empate. Ami lakon maibé  bele hatete katak  ha’u nia  jogadór  hotu di’ak hela", nia afirma.

 

SAPO TL ho SAPO Desportu

Sexta-feira, 22.01.16

Kobe Bryant: antes adeus, fila ba jogu hosi koñesidu sira nian

Iha tinan "reforma" nian, jogadór hosi Los Angeles Lakers sai eleitu ba dala 18 ba jogu ‘All Stars’ hosi NBA. 

 

 Foto: Ezra Shaw / EPA 


Norte-amerikanu Kobe Bryant, ne'ebé sei husik kareira nu'udar jogadór basket nian iha époka ne'e nia rohan, sai eleitu iha loron-kinta, ba dala 18, ba jogu "All Stars" hosi Liga Norte-amerikanu Basket nian (NBA).

 

Ho tinan 37, jogadór koñesidu hosi Los Angeles Lakers domina ona votasaun entre adeptu sira, ho votu hamutuk 1.891.614.

 

Bryan sei tama iha títular lima hosi ekipa Konferénsia Oeste, hamutuk ho Kevin Durant (Oklahoma City), Kawhi Leonard (San Antonio Spurs), ho Stephen Curry, ne'ebé valiozu liu iha époka ikus (MVP) no kampeaun hosi Golden State Warriors, nune'e mós hanesan Russell Westbrook (Oklahoma City).

 

Maski sai hanesan "veteranu" ida iha jogu ne'ebé sei halibur, tinan-tinan, jogadór di'ak liu sira hosi NBA, Bryant sei fila ba "All Stars" hafoin tinan rua auzénsia nian tanba lezionadu iha tinan 2014 no 2015.

 

Rekordista hosi selesaun sira ba jogu "All Star" ho "xamada" 19, kontinua Kareem Abdul-Jabbar, figura koñesidu ida hosi Lakers entre dékada sira tinan 1970 no 1980.

 

Ekipa hosi Este sei lidera hosi, lahó supreza sira, hosi LeBron James (Cleveland Cavaliers), eleitu ba dala 12 konsekutivu no, hanesan mós Bryant, hetan votu liu millaun ida (1.089.206).

 

Hamutuk ho James iha inisiál lima hosi Este maka Paul George (Indiana Pacers), Carmelo Anthony (New York Knicks), Dwyane Wade (Miami Heat) ho Kyle Lowry (Toronto Raptors).

 

Jogu "All Stars" iha temporada ne'e sei hala'o iha loron 14 Janeiru, iha Toronto, Kanadá.

 

@SAPO Desporto

"Sérgio Conceição? Nunka halo kontaktu"

Líder  "dragões"  ne’e nega katak nia halo ona konsulta ho  treinadór Vitória Guimarães.

 

Foto : Lusa

 

Iha deklarasaun ne’ebé fó-sai hosi Kanál Portu nian, Pinto da Costa afirma katak nia  nunka kontaktu Sérgio Conceição ho sentidu atu asume komando tékniku FC Portu nian.

 

"Nia nunka hetan kontaktu pelumenus hosi ema hosi FC Portu".

 

Rekorda katak tékniku ne’e  asosiadu ona ho "Dragão", antes halo kontratu ho José Peseiro.

 

SAPO TL ho SAPO Desportu

Quinta-feira, 21.01.16

Messi: "Ha’u sei la ba joga iha klube europeu seluk"

Iha tinan ne’e jogadór avansadu hosi ekipa Barcelona maka manan Bolsa Osan-Mean ba dalima.


 Foto: LLUIS GENE / AFP


Iha entrevista ba revista France Football, Messi dehan katak lakohi atu ba joga iha klube europeu seluk ne’ebé la’os Barcelona.

 

“Ha’u nunka atu ba joga iha klube europeu seluk. Barcelona maka ha’u-uma no hakarak ha’kotu ha’u-nia kareira iha ne’e”, dehan Messi.

 

Maibé iha posibilidade atu fila ba Arjentina: “Agora, dalaruma bele hakotu ha’u-nia kareira iha Arjentina. Bele akontese buat seluk iha futuru, maibé ha’u sei hakarak kontinua iha ne’e”.

 

Kona-ba ninia-an, nia dehan katak “di’ak liu fali tinan hirak liu ba”, até tanba iha 2013 no 2014 nia hetan lezaun.

 

“Ha’u hetan lezaun no lakonsege halo máximu. Ohin ha’u maka ne’e. Ha’u hanoin katak ha’u hetan hikas nível ne’ebé iha tolu, hosi temporada haat”, hakotu Messi.

 

SAPO TL ho Lusa

pesquisar

 

Janeiro 2016

D
S
T
Q
Q
S
S
1
2
3
4
5
6
7
8
9
17
23
24
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo