Segunda-feira, 30.11.15

Putin bandu inskrisaun hosi jogadór turku sira iha kampeonatu rusu

Klube rusu sira laiha posibilidade hodi kontrata jogadór turku sira.

 


Ministru Desportu rusu nian, Vitali Mutkó, afirma ona iha loron-segunda ne'e katak klube sira laiha posibilidade hodi kontrata futebolista turku sira durante períudu transferénsia sira iha fulan-Janeiru, tanba kastigu sira ne'ebé Kremlin hala'o.

"Karik ema ruma hakarak kontrata desportista turku ida durante merkadu invernu nian, ha'u fiar katak ne'e laiha posibilidade. Ha'u lakohi adianta senáriu sira, maibé ha'u senti katak ne'e hanesan klaru", Mutkó afirma ona iha deklarasaun ba jornalista lokál sira.

Iha loron-sábadu ikus, Rúsia hato'o kastigu ekonómiku ba Turkia tanba sira tiru hasoru aviaun ida hosi forsa aéreu rusu iha fronteira ho Síria.

"Agora daudaun, ha'u fó konsellu ba klube sira hodi halakon hanoin atu hetan desportista turku sira", hatutan hosi ministru.

Bainhira hatán kona-bá Gokdeniz Karadeniz, médiu ne'ebé halo atuasaun iha Rubin Kazan, governante rusu konsidera katak internasionál turku hanesan "ema di'ak ida" no "ezemplu" ida.

"Karadeniz sai ona hanesan labarik-mane rusu ida. Karik ema rusu sira sai hanesan nia, sei sai di'ak liu", nia refere.

Mutkó nega mós katak empreza turku sira ne'ebé kontratadu hodi serbisu iha konstrusaun ba estádiu sira ba Kampeonatu Mundu 2018 nian afetadu ona ba medida foun sira hosi governu rusu.

Kastigu sira hakarak "garanti seguransa nasionál no hosi sidadaun rusu sira nian" no inklui proibisaun ba semo "charter" entre nasaun rua ne'e no hosi emprezáriu rusu sira hodi kontrata sidadaun turku sira nune'e mós bandu hodi fó vistu sira, haktuir hosi testu ida dekretu nian ne'ebé fó sai hosi Kremlin.

Bandu mós ka iha limitasaun ba merkadoria sira hosi Turkia ba Rúsia, haktuir hosi lista ida ne'ebé sei elaboradu hosi Governu.

Iha loron 24 Novembru, aviaun kasa-bombardeiru F-16 ataka SU-24 rusu nian tanba aviaun rusu viola fatin aéreu turku nian dala sanulu iha períudu ida ho minutu lima, iha besik fronteira ho Síria, hodi la halo tuir adverténsia sira, haktuir hosi Ankara.

Vladimir Putin hato'o versaun oin-seluk, hodi hatete katak SU-24 la ameasa Turkia no semo iha teritóriu síriu nia laran, iha kilómetru haat hosi fronteira, hodi hatete katak ne'e hanesan "sona iha kotuk laran" no sei iha "konsekuénsia sériu sira" iha relasaun diplomátiku sira entre nasaun rua ne'e.

@SAPO Desporto

Taarabt: "Ha’u di’ak hela iha Benfica"

Médiu arjelinu ne’e hatete  sei "servisu maka’as "  hodi bele joga.


                                                                                           Foto: SL Benfica



Adel Taarabt kumpre ohin minutu balun iha ekipa B  Benfika nian, faze ida ne’ebé  aponta hanesan momentu ikus atu sai hosi klube iha merkadu  invernu ne’e .

 

Maibé, iha deklarasaun ba site italianu 'Il Vero Milanista', ne’ebé asosia ho AC Milan iha époka rua , jogadór marokinu ne’e garante katak nia sente  kontente iha “clube da Luz” .

 

"Ha'u di’ak hela iha Benfika, hothotu  di’ak mai ha’u.Klube ida ne’ebé iha história bo’ot,  “Estádio da Luz “ kapás tebes, no ema hotu Portugál bele tuir ", nia afirma, hatutan tan  katak" hau sei servisu maka’as hodi joga bele fila fali. Ha’u sei lahare  oras. Ha’u foin maka liu tinan ida susar tebes iha Queens Park Rangers".

 

Kona-bá futuru, Taarabt  sei nakloke: "Benfika mak sei  deside ha’u nia destinu. Iha kontratu importante durante tinan lima. Hakarak repete iha ne’e katak ha’u  sente sei di’ak hela ho klima iha ne’e di’ak loos,  ne’ebé sempre iha tempu  dia’k.  Benfika hanasan   klube  ida entre klube sira di’ak iha  Europa  no nia adeptu sira fó apoiu mai hau, tamba sira hein hau nia joga ".

 

Internasionál marokinu  ne’e hato’o agradesimentu  ba apoiu hosi Rui Costa, ne’ebé ohin-loron sei rekorda ho saudade nafatin iha Itália nia  pasajen  iha  Fiorentina no AC Milan.

 

"Hanesan Maestru ida, Kampeaun . Sempre fó hanoin mai ha’u,  atu kontinuar iha  pasiénsia no servisu maka’as, tamba dalan ida ne’e maka dalan dia’ak liu ",  nia konklui.

 

SAPO TL ho SAPO Desportu

 

Sexta-feira, 27.11.15

Ronaldo: "Neymar sa’e daudaun, CR7 no Messi to’o ona iha tutun "

Finalista na’in tolu ba kandidatu  bola Osan-mean sei fó sai iha segunda-feira semana oin.


Foto:Radio Renascen

 

Ronaldo " hanesan fenómenu " iha konvisaun katak Neymar sei manán bola Osan-mean ne’e iha tinan oin, garante katak jogadór "canarinho" sei iha fatin atu sai di’ak liu kontráriu ho Messi no Cristiano.

 

"Apoiu Neymar atu manán Bola Osan-mean  iha 2016. Nia iha sa’e daudaun maibé Ronaldo no Messi  to’o ona “ pico Reuters”. Bele demora tan to’o tinan ida ka rua tan, maibé hakarak katak Neymar bele to’o iha pozisaun futeból brazileiru nian ", hatete Ronaldo, sita hosi jornál Katalaun Mundu Deportivu.

 

Naran hosi finalista na’in tolu ba prémiu jogadór di’ak liu tinan 2015 sei fó sai iha segunda-feira semana oin, iha oras13. Tuir brazileiru ne’e, la’ós momentu ne’ebé   kriativu brazileiru ne’e hetan prémiu.

 

"Tuir loloos, hau hakarak Neymar mak manán hodi interrompe tempu Cristiano Ronaldo no Messi nian , maibé ba agora prémiu ne’e sei hetan hosi na’in rua ne’e ida no lahatene se Neymar bele okupa iha fatin datoluk",  nia termina.

 

SAPO TL ho SAPO Desportu

Quinta-feira, 26.11.15

Benfika fila fali ba oitavu finál iha“Champions”... hafoin époka haat

Hafoin époka haat,  enkarnadu konsege liu iha faze  grupu  Liga  Kampeaun nian.


Foto: Lusa

 

Benfika fila fali ba oitavu finál  iha Liga  Kampeaun , hafoin iha époka ikus 2011/12. Ne’ebé, enkarnadu konsege tama to’o  iha 'meias finais', maka foin elimina hosi Chelsea.

 

Klube da Luz ne’e pasa ba oitavu  finál  Liga  Kampeaun futeból, ne’ebé benefisia hosi  triunfu Atlético  Madrid iha uma rasik hasoru Galatasaray, ho 2-0, iha jogu kinta jornada  Grupu C nian. Hafoin hetan empata iha uma Astana  nian ho (2-2), Kampeaun portugués ne’e haree ‘colchoneros’ manán ekipa turkia ho golu rua  hosi jogadór fransés Antoine Griezmann, iha minutu 13 no  65.

 

 ‘Enkarnadu’ no Atlético  Madrid, sei hasoru malu iha ronda ikus grupu nian iha Lisboa, ne’ebé tuir  kedas iha komandu  grupu nian ho pontu 10, liu Galatasaray  ho pontu neen no hitu ho Astana.

 

SAPO TL  ho SAPO Desportu

 

Quarta-feira, 25.11.15

Rezultadu “Liga dos Campeões”hotu iha jornada 3ª feira

Manán boot liu iha ronda ida ne’e pertense ba Barcelona, ho golu 6-1 bainhira hasoru Roma.


Foto: OLIVIER MORIN/AFP

 

Loron primeiru ba jornada faze dalalimak grupu Liga Campeaun nian halo markasaun hosi sofrimentu klube sira, iha metade  jogu hotu define liu hosi nia resultadu ne’ebé maka klaru.

 

Iha oin liu entre sira hotu mak Barcelona, ne’ebé harahun Roma ho golu 6-1, iha Camp Nou, hosi Messi (2), Suárez (2), Piqué no Adriano, kontra tentativa romanu Dzeko nian ida. Tuir  kedas hosi Chelsea no Bayern Munique ne’ebé halakon ho golu hanesan 4-0 ba Maccabi Telavive no Olympiakos,. Iha destake ne’e mosu moos  Arsenál, ne’ebé lahasoru dificuldades barak bainhira halakon Dínamo Zagreb iha uma rasik, ho 3-0.

 

Ekilibradu liu maka iha jogu entre FC Portu-Dínamu Kiev no Zenit - Valência, ne’ebé iha rua ne’e termina ho rezultadu hanesan ho 2-0, dala ida ne’e  rezultadu inklina liu ba Rusia no Ukraina.

 

Vitória ne’ebé  surpreendente liu no simples liu maka Gent manán iha fatin Lyon nian, ho 1-2, hodi halo baralla tan grupu ne’e.

 

Atu termina, regista  moos empate úniku ida iha jornada ohin nian, BATE no Bayer Leverkusen ne’ebé ho nia rezultadu 1-1

 

Ba  Kuarta-feira ne’e sei iha tan jogu sira hanesan tuir mai ne’e:

 

Grupo A:

Malmo - PSG

Shakhtar - Real Madrid

 

Grupo B:

CSKA Moscovo - Wolfsburgo

Man. United - PSV

 

Grupo C:

Astana - Benfica

At. Madrid- Galatasaray

 

Grupo D:

Juventus - Man. City

B. Monchengladbach - Sevilha

 

SAPO TL ho SAPO Desportu

Terça-feira, 24.11.15

Sira maka Paris. No PSG (Emirates hela ba ikus)

Hanesan mensajen ida importante duké patrosinadór ida. La'ós "Fly Emirates" ne'ebé mosu baibain maibé Paris Saint-Germain sei iha kamizola ida jogu nian ho fraze “Je suis Paris”.



 

Iha tinan sia liubá maka kamizola hosi Paris Saint-Germain iha, entre azul oituan, mean no mutin, ho lema hosi kompañia aéreu Emirates nian. Fraze "Fly Emirates" iha folin ba PSG millaun €25 tuir époka, iha akordu ida ne'ebé hala'o to'o 2019.

 

Osan ne'e hanesan indispensável hodi bele iha Zlatan (ho millaun €15 tinan-tinan) no jogadór sira seluk iha plantél, maibé la'ós ba ne'e de'it, iha tempu ida ne'ebé Paris hetan atake maka'as. Nune'e, klube desidi ona halo kamizola foun ida, ho mensajen “Je suis Paris” iha fatin ida ne'ebé baibain mosu fraze destinadu ba Emirates.

 

"Ami hakarak fó onra ba vítima sira ho mensajen ida uniaun nian ba solidariedade ne'ebé hatudu hosi komunidade internasionál futeból nian iha loron hirak ikus ne'e", haktuir hosi komunikadu PSG nian ne'ebé agradese ba Emirates ba kolaborasaun.

 

Kamizola foun (ne'ebé seidauk hatene karik sei fa'an ka la'e) sei uza hosi ekipa iha loron-kuarta iha jogu hasoru Malmö, ba Champions League no iha loron-sábadu hasoru Troyes ba Liga Franseza nian.

 

ho Expresso

Eles são Paris. E PSG (a Emirates fica para depois)

É uma mensagem mais importante do que um patrocinador. Em vez do habitual “Fly Emirates”, o Paris Saint-Germain vai ter na camisola de jogo a frase “Je suis Paris”.


 

Há nove anos que a camisola do Paris Saint-Germain tem, entre mais ou menos azul, vermelho e branco, o lema da companhia aérea Emirates. A frase “Fly Emirates” vale ao PSG €25 milhões por época, num acordo em vigor até 2019.

 

O dinheiro é indispensável para ter Zlatan (€15 milhões/ano) e companhia no plantel, mas não é tudo, numa altura em que Paris foi barbaramente atacada. Por isso, o clube decidiu fazer uma nova camisola, com a mensagem “Je suis Paris” no local habitualmente destinado à Emirates.

 

“Queremos honrar as vítimas com uma mensagem de união à solidariedade expressada pela comunidade internacional do futebol nos últimos dias”, justifica um comunicado do PSG, que agradece à Emirates pela colaboração.

 

A nova camisola (que ainda não se sabe se será comercializada) será utilizada pela equipa esta quarta-feira diante do Malmö, para a Liga dos Campeões e no sábado, contra o Troyes, para a Liga francesa.

 

com Expresso 

FC Porto ho Benfica iha top-10 Champions

Dragões ho águias halo parte iha elite futeból europeu nian.


                                                                      Foto: epa04330946; ESTELA SILVA

 

FC Porto ho Benfica hlo parte iha top-10 hosi klube hirak ne’ebé di’ak iha Champions.

 

UEFA, horisehik halo ona atuazalisaun ba ranking klubes hosi Liga dos Campeões, soma ho pontu hirak ne’ebé mana iha eis-Taça dos Campeões Europeus, no konta hamutuk hanesan vitória ne’ebé válidu ba pontu tolu. Ho nune’e, FC Porto maka iha sétimu llugar, ho pontu 325 iha jogu 201, no Benfica soma hamutuk 313 iha jogu 197.

 

Real Madrid maka okupa pozisaun dahuluk, rekordista hosi triunfu (10) iha prova, ho pontu 729 iha jogu 376, tuir maka Bayern Munique (565 iha 297) no Barcelona (508 iha 260).

 

Hatene top-10 iha ne’e:

 

1º, Real Madrid – pontu 729 iha jogu 376

 

2º, Bayern Munique - pontu 565 iha jogu 297

 

3º, Barcelona - pontu 508 iha jogu 260

 

4º, Manchester United - pontu 455 iha jogu 243

 

5º, Milan - pontu 404 iha jogu 234

 

6º, Juventus - pontu 387 iha jogu 224

 

7º, FC Porto - pontu 325 iha jogu 201

 

8º, Benfica - pontu 313 iha jogu 197

 

9º, Liverpool - pontu 297 iha jogu 163

 

10º, Arsenal - pontu 286 iha jogu 175

 

SAPO TL ho SAPO Desportu

Segunda-feira, 23.11.15

Djokovic mana'an Masters ténis nian no halo istória

Iha pozisaun númeru ida iha mundu presiza de'it oras ida no minutu 20 hodi halakon Federer, númeru datolu iha hierarkia, ho parsiál 6-3 no 6-4.

 

Novak Djokovic. Foto: Lusa


Sérviu Novak Djokovic iha loron-segunda ne'e sai hanesan tenista dahuluk ne'ebé maka mana'an Masters, ne'ebé akontese iha Londres, dala haat tuirmalu, no iha ne'e nia halakon iha finál suisu Roger Federer ho "set" rua.

Iha pozisaun númeru ida iha mundu presiza de'it oras ida no minutu 20 hodi halakon Federer, númeru datolu iha hierarkia, ho parsiál 6-3 no 6-4, nune'e nia hetan Masters dalima iha nia kareira, hafoin duplu falta ida hosi helvétiku.

Aleinde hosi "prize money" ho euro millaun rua resin, Djokovic sai hanesan jogadór dahuluk iha istória ne'ebé maka mana'an torneiu iha final temporada nian dala haat konsekutivu. Sérviu foti troféu ne'e ba dala uluk iha 2008.

Tenista ho tinan 28 despede hosi tinan 2015 ho títulu 11 iha "bolsu", inklui "Grand Slam" tolu, falla de'it iha Roland Garros, ne'ebé nia lakon iha finál hasoru suisu Stanislas Wawrinka.

Maski lakon, Federer kontinua nafatin nu'udar rekordista hosi títulu sira Master nian (2003, 2004, 2006, 2007, 2010 ho 2011) no hein katak hakotu tinan ne'e iha pozisaun daruak hosi "ranking" ATP nian.

@SAPO Desporto

Zidane: "Benítez mak treinadór no buat hotu sai di’ak hanesan ne’e"

Iha sabadu ne’e Real Madrid lakon iha uma rasik ho Barcelona ho golu 4-0.


 

Zinedine Zidane  nega kualkér  ipóteze sira atu asume, agora kedas, ekipa prinsipál  Real Madrid nian. Tékniku hosi kastilla, ekipa sekundária  merengues nian, no haktuir  katak  Rafa Benitez maka  treinadór iha  ekipa  no sei laiha mudansa.

"Ha’u  treinadór iha Kastilla. Benítez maka  treinadór hosi ekipa prinsipál no buat hotu la’o di’ak hanesan ne’e. Hau kontente ho buat ne’ebé ami halo ohin loron hasoru adversáriu forte ida ", refere, iha finál jogu nian kontra Barakaldo, líder iha Grupu daruak  ba II Divizaun B.

Zidane rekorda mós katak, hafoin  Anceloti  sai, nia lahela ona iha Real Madrid  hodi asume ba hala’o kontrola  iha ekipa maibé atu termina de’it nia servisu iha Kastilla.

" Ha’u  hakarak hela  tanba  atu treina  Kastilla. Iha tinan kotuk, iha sensasaun ida katak sei falta buat ruma. Hau  toos oituan , se bainhira  lakumpre ha’u-nia obejtivu, ha’u sei trata hodi bele konkretiza", nia hatutan.

Rafa Benitez  hetan presaun iha Real Madrid, hafoin  rezultadu ne’ebé mak la di’ak maibé ne’e kauza  hosi ekipa ne’ebé hatudu jogu la  di’ak. Iha sábadu ne’e  Real Madrid  lakon golu barak, 4-0, iha nia uma rasik  ho Barcelona.

 

SAPO TL ho SAPO Desportu

pesquisar

 

Novembro 2015

D
S
T
Q
Q
S
S
1
2
3
4
5
6
7
8
9
14
21
22
28
29

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo