Besiktas manán Antalya ho diferensa pontu boot, 5-1

Ekipa turka mak adversária Sporting nian iha Liga Europa.


Foto: EPA/Tolga Bozoglu

 

Besiktas, adversáriu Sporting nian iha Grupu H hosi Liga Europa, horisehik konsolida lideransa kampeonatu turku hosi futeból bainhira manán iha terrenu Antalya nian, ho pontu 5-1, benefísiu hosi empate entre Fenerbahçe no Galatasaray (1-1).

 

Ekipa Ricardo Quaresma nian ne’e adianta iha markadór iha minute 14 hosi Necip Uysal, maibé ekipa uma-na’in halo empata, iha minutu 21, hosi Samuel Eto'o. Atakante alemaun Mario Gómez hatama tan golu ida iha minutu 27 no marka tan iha minutu 63, molok Olcay Sahan (72) no Cenk Tosun (89) fixa rezultadu finál.

 

Besiktas, ne’ebé komanda kampeonatu ho pontu 22, liu Fenerbahçe no Galatasaray pontu haat, sei vizita Sporting iha loron 10 dezembru.

 

SAPO TL ho SAPO Desportu