Benfica 0 - 3 Sporting

Leaun manan iha kampo rivál, hafoin liu tinan 9. Benfica lalakon iha Luz desde 2012 Kolombianu Teo Gutiérrez (minutu 09), arjelinu Islam Slimani (21) no kostarikeñu Bryan Ruiz (36) marka hosi ekipa ‘leões’ ba Benfica.


 

Ohin, Sporting manan ona Benfica 3-0, iha jogu oitava jornada hosi I Liga portugeza futeból, hodi manan hikas iha Luz, hafoin liu tiha tinan sia no Benfica foin maka lakon desde marsu-2012.Ekipa Alvalade halo hanesan ona rezultadu di’ak iha resintu benfikuista nian (4-1 iha 1938/39 no 1947/48).

 

Ho vitória ne’e maka Sporting okupa iha parte dahuluk hosi I Liga, ho pontu 20, liu rua hosi Fc Porto, ne’ebé empata zero ho Sporting de Braga, no Benfica ba iha oitavu ho pontu 12, maski ladauk partisipa iha jogu ida. Ho ida ne’e Benfica lakon dala tolu ona iha kampeonatu, iha jogu hitu – tanba ladauk joga hasoru União da Madeira.

 

"Enkarnadu" sira la lakon iha Luza desde 02-marsu-2012, bainhira FC Porto manan 3-0 iha Lisboa. Ida ne’e mos hanesan série di’ak hosi Sporting ba époka ne’e.

 

Ekipa Jorge Jesus manan dahaat tuituir malu hafoin manan Vitória de Guimarães ho 5-1, Vilafranquense 4-0, Skenderbeu 511 no agora Benfica ho 3-0. Tinan 25 resin maka ekipa leaun lamanan iha jogu haat tuituir malu ho diferensa golu tolu ga resin.

 

Iha 1990, Sporting manan ona Vitória de Guimarães, Penafiel, Salgueiros no Boavista ho golu diferensa tolu ga liu.

 

SAPO TL ho SAPO Desportu