Terça-feira, 20.10.15

Cristiano Ronaldo entre nomeadu na'in 23

Barcelona domina lista hosi kandidatu sira ba troféu hosi jogadór di'ak sira iha mundu.



Cristiano Ronaldo, nebe mana'an Bola Osan-Mean iha 2008, 2013 no 2014, hanesan portugés úniku entre kandidatu na'in 23 ba títulu nebe sei distingi nu'udar futebolista di'ak liu tinan nian, iha loron 11 fulan-Janeiru 2016, iha Zurike.

 

Lista, nebe fó sai ohin hosi FIFA no hosi revista France Football, nebe dominadu hosi kampeaun europeu, FC Barcelona, ho jogadór na'in neen: arjentinu sira Lionel Messi no Javier Mascherano, españól Iniesta, brazileiru Neymar, kroata Rakitic no uruguai Luis Suarez.

 

Bele, Benzema, Kroos ho James Rodrigúez kompleta lote hosi jogadór na'in lima nebe nomeadu sira hosi Real Madrid, nune'emós trikampeaun alemaun Bayern Munique, ho Lewandowski, Müller, Neuer, Robben ho Arturo Vidal, nebe iha époka liubá aliña ona iha Juventus, hamutuk mós ho kandidatu Paul Pogba.

 

Lista inklui jogadór na'in tolu hosi Manchester City: Agüero, Yaya Touré no Kevin De Bruyne, nebe kontrata iha inísiu temporada ba Wolfsburgu.

 

Zlatan Ibrahimovic, Eden Hazard ho Alexis Sanchez hanesan reprezentante úniku hosi sira nia klube: Paris Saint-Germain, Chelsea ho Arsenal, hanesan mós naran Pogba nian.

 

Alemaña ho Arjentina, hanesan finalista sira hosi Mundiál2014, hanesan nasionalidade sira sira nebe reprezentadu liu iha lista ne'e, ho ema na'in tolu hosi nasaun ida-idak, tuir Fransa, Béljika ho Xile, vensedór hosi Kopa Amérika, nebe iha ema na'in rua hosi nasaun ida-idak.

 

Hatene nomeadu na'in 23 ba Bola Osan-Mean 2015:

  • Sergio Agüero (Arjentina/Manchester City),
  • Gareth Bale (País de Gales/Real Madrid),
  • Karim Benzema (Fransa/Real Madrid),
  • Cristiano Ronaldo (Portugal/Real Madrid),
  • Kevin De Bruyne (Béljika/VfL Wolfsburg/Manchester City),
  • Eden Hazard (Béljika/Chelsea),
  • Zlatan Ibrahimović (Suésia/Paris Saint-Germain),
  • Andrés Iniesta (España/FC Barcelona),
  • Toni Kroos (Alemaña/Real Madrid),
  • Robert Lewandowski (Polónia/FC Bayern Munich),
  • Javier Mascherano (Arjentina/FC Barcelona),
  • Lionel Messi (Arjentina/FC Barcelona),
  • Thomas Müller (Alemaña/FC Bayern Munich),
  • Manuel Neuer (Alemaña/FC Bayern Munich),
  • Neymar (Brazil/FC Barcelona),
  • Paul Pogba (Fransa/Juventus),
  • Ivan Rakitić (Kroásia/FC Barcelona),
  • Arjen Robben (Holanda/FC Bayern Munich),
  • James Rodríguez (Kolômbia/Real Madrid),
  • Alexis Sánchez (Xile/Arsenal),
  • Luis Suárez (Uruguai/FC Barcelona),
  • Yaya Touré (Kosta-Marfim/Manchester City),
  • Arturo Vidal (Xile/Juventus/FC Bayern Munich).

 

Naran nomeadu sira ba treinadór nebe di'ak liu iha mundu:

  • Massimiliano Allegri (Itália/Juventus),
  • Carlo Ancelotti (Itália/Real Madrid),
  • Laurent Blanc (Fransa/Paris Saint-Germain),
  • Unai Emery (España/Sevilla FC),
  • Pep Guardiola (España/FC Bayern Munich),
  • Luis Enrique Martínez (España/FC Barcelona),
  • José Mourinho (Portugal/Chelsea),
  • Jorge Sampaoli (Arjentina/Chilean national team),
  • Diego Simeone (Arjentina/Atlético Madrid),
  • Arsène Wenger (Fransa/Arsenal).

 

@ SAPO Desporto

PM autoriza IJE investiga jogadór brasileiru ne’ebé tama ba iha selesaun timor-oan nian

Primeiru Ministru Rui Maria de Araújo fó autorizasaun ba Inspesaun Jerál Estadu (IJE) atu investiga jogadór brazileiru-oan sira ne’ebé halo parte iha selesaun timor-oan nian, tuir informasaun hosi jornál Suara Timor Lorosa’e.



 

“Jogadór na’in hitu ne’ebé ho nasionalidade brazileiru ne’ebé oras ne’e daudaun halo parte iha selesaun timor-oan nian, sai ona hanesan polémika bot ba komunidade, tanba ne’e maka ha’u fó autorizasaun ba Inspesaun Jerál Estadu atu halo investigasaun ida ba sira, atu nune’e ita bele hatene, karik sira iha ona dokumentu legál ne’ebé hatudu katak sira timor-oan duni”, dehan xefe Governu hafoin halo tiha vizita surpreza bá iha edifísiu Diresaun Nasionál Rejistu Notariadu, iha Kolmera, horisehik.

 

Iha parte seluk diretora Nasionál ba Rejistu Notariadu, Maria do Rosário Fátima Castro Araújo fó sai katak jogadór na’in hitu ne’e iha ona pasaporte Timór, maski sira moris iha Brazil no tanba sira-ninia inan-aman no avó sira moris iha Timor-Leste, maka sira iha direitu atu hetan pasaporte ne’e.

 

SAPO TL ho STL

PM autoriza IGE a investigar os jogadores brasileiros que estão na seleção timorense

O Primeiro Ministro Rui Maria de Araújo dá autorização a Inspeção Geral do Estado (IGE) a fim de investigar os jogadores brasileiros que estão na seleção timorense, segundo a informação do jornal Suara Timor Lorosa’e.



 “Os sete jogadores com nacionalidade brasileira que estão na seleção timorense estão a tornar-se numa grande polémica no seio da comunidade, por isso autorizo a Inspeção Geral do Estado a fazer uma investigação para que possamos saber se existe um documento legal que indique que são timorenses”, disse o chefe do Governo após ter realizado ontem uma visita surpresa ao edifício da Direção Nacional de Registo Notariado, em Colmera.

 

Por outro lado a diretora Nacional do Registo Notariado, Maria do Rosário Fátima Castro Araújo informa que os sete jogadores já obtiveram o passaporte timorense, apesar de terem nascido no Brasil, os seus pais e avós nasceram em Timor-Leste por isso têm direito a obter o passaporte.

 

SAPO TL com STL

pesquisar

 

Outubro 2015

D
S
T
Q
Q
S
S
1
2
3
4
5
6
7
8
9
10
11
17
18
24
25
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo