Mascherano: “Ami falta jogadór ida ne’ebé importante liu iha selesaun”

Messi sei lahamutuk ho Arjentina iha jogu kualifikasaun dahuluk ba Mundiál 2018.

 

 

Foto: Luís Acosta

 

Defeza hosi Barcelona hatene katak sira-ninia belun hosi ekipa nomós selesaun, Messi sei lapartisipa iha jogu ne’ebé sei hala’o kontra Ekuadór no Paraguai, maibé fi’ar katak Arjentina sei fó resposta ne’ebé di’ak.

 

 “Ami sei falta ami-ninia jogadór importante liu, maski nune’e uluk mos nia laiha no ekipa hatene atu fó resposta. Ami sei kontinua halo hikas ida ne’e. Ami presija prezensa hosi hothotu nian. Ida ne’e maka sai hanesan ekipa ninia objetivu ida no la’os deskulpa ida”, dehan bainhira to’o iha konsentrasaun hosi selesaun pampas nian.

 

Kona-ba jogu ho Ekuadór no Paraguai, Mascherano dehan katak “importante maka hahú ho golu ida atu nune’e ami bele sente hakmatek no labele atu hanoin tan kona-ba rezultadu idaidak ne’ebé ami sei tenke hetan”, esplika.

 

Arjentina sei joga hasoru Ekuadór iha ninia kampo rasik, 9-outubru, hahú tuku 1 dader, ba jogu kualifikasaun Mundiál 2018 iha Rúsia.

 

SAPO TL ho SAPO Desportu