Benfica hanesan vensedór iha Guiné-Bissau

Jogadór enkarnadu sira horisehik manan ona Bula, kampeaun iha époka uluk.


@SAPO Desporto

 

Benfica horisehik sai ona hanesan vensedór futeból Guiné-Bissau hodi manan Bula 4-0, iha jornada kampeonatu ikus hosi divizaun dahuluk.

 “Águias” hetan tan pontu rua liu Sporting, klasifikadu daruak, hodi manan Balantas de Mansoa ho 1-0.

 

Vitória ne’ebé Benfica hetan festeja iha Estádio Nacional 24 de Setembro hamutuk ho ema sira ne’ebé ba asisti jogu refere.

 

Hosi partisipante ne’ebé iha, inklui mós primeiru ministru Domingos Simões Pereira no figura públika seluk.

 

Iha inisiu kedas Benfica maka domina jogu hodi iha minutu 11 marka kedas golu dahuluk no golu refere marka hosi Sumaila Djassi, markadór di’ak hosi kampeonatu tanba hatama ona golu 27 – no marka tan golu datolu hosi enkontru ne’e.

 

Bula, hanesan kampeaun ba títulu, lakohi joga hasoru Banbadinca iha kinta-feira ne’e, jogu ba meia-finál Taça Guiné-Bissau nian.

Iha intervali, formasaun benfikista manan ona 3-0, maski Bula troka dala barak ninia jogadór.

 

 

Maski udan bot, maibé ekipa Benfica komemora sira-ninia vitória iha dalan Bissau nian ne’ebé infeita ho bandeira kor-mean no hakilar, no mistura ho buzinas ba iha kareta balun hodi hala’o karavana iha sentru kapitál.

 

SAPO TL ho SAPO desportu