Filipe Luís sei sai duni hosi Chelsea

Filipe Luís ne’ebé ladun uza iha tinan ikus ne’e.

 

 

Filipe Luis em Stamford Bridge/Foto: EPA/FACUNDO ARRIZABALAGA

 

Futebolista Filipe Luís atu sai sai hosi Chelsea no karik sei transfere "hahú ohin ka aban", afirma José Mourinho, treinadór klube londrinu, ne’ebé konfirma mós katak klube buka hela laterál karuk.


"Ohin ami presiza laterál karuk ida, tanba ha’u fiar katak ami sei fa’an Filipe Luís ohin ka aban", dehan treinadór portugés, iha Montreal (Canadá), ne’ebé Chelsea konsentra ba.


Tékniku kampeaun inglés afirma katak klube só bele buka atu sosa de’it pozisaun refere: "Ami presiza hahú buka ona klube ne’ebé hakarak fa’an molok 31 agostu. Ami buka de’it laterál karuk ida, laiha vaga ba pozisaun sira seluk", dehan treinadór, iha deklarasaun ne’ebé sita iha site ofisiál klube.


Defeza brazileiru, ho tinan 29, laiha ona konsentra iha 'blues' hafoin partisipa iha Kopa Amérika no nune’e mós karik fila fali ba klube uluk, Atlético de Madrid.


Filipe Luís ne’ebé ladun uza iha tinan ikus ne’e, só joga de’it jogu 13 iha Premier League, jogu neen iha taxa ingleza no lima iha Liga Kampeaun.


SAPO TL ho SAPO Desporto