Brazil tama ba kuartu finál no ajuda Kolómbia

Iha kuartu finál, Brazil sei joga hasoru Paraguai no Peru hasoru Bolívia, ho ‘repescada’ Kolómbia hasoru Arjentina.



 

Foto: Lusa

David Luiz marka golu akrobátiku durante Brazil 2-1 Venezuela

 

Brazil ohin hakat ba kuartu finál Kopa Amérika futeból, bainhira manán Venezuela, 2-1, rezultadu ida ne’ebé afasta konjuntu ‘vinotinto’, maibé kualifika Kolómbia.

 

Hafoin empata zero entre Kolómbia no Peru, Brazil no Venezuela presiza empata ho golu hodi kualifika aan ba kuartu finál, bainhira ekipa rua seluk manán permiti Kolómbia ba oin.

 

Neymar la joga, tanba kastiga ho jogu haat, Brazil, ne’ebé lakon ho kolombianu sira, joga ho di’ak, ho sentrál Thiago Silva ne’ebé ‘escrete’ iha vantajen ba minutu sia, hafoin kruzamentu ida hosi Robinho.

 

Iha jogu segunda parte, ne’ebé hala’o iha Santiago do Chile, Roberto Firmino aumenta vantajen, iha minutu 51, iha lanse ida ne’ebé presiza de’it atu enkosta hafoin kruzamentu ida hosi Willian.

 

Selesionadór brazileiru, Dunga, ‘rekua’ ninia ekipa, hodi hatama sentrál haat iha kampo no hafoin alterasaun ne’ebé Venezuela reduz, hodi Miku, iha bola livre ida hosi Arango, bainhira iha minutu 84.

 

Ho rezultadu ida ne’e, Brasil manán Grupo C, ho pontu neen, liu fali Peru no Kolómbia, ne’ebé hakat ba oin hanesan terseiru klasifikadu di’ak liu. Venezuela, ne’ebé sai surpreza hosi torneiu, hodi manán Kolómbia iha primeira ronda, termina iha kuartu, ho pontu tolu.

Iha kuartu finál, Brazil sei joga hasoru ho Paraguai no Peru hasoru Bolívia, ho ‘repescada’ Kolómbia sei hasoru Arjentina, iha ‘jogu boot’ hosi segunda ronda.

 

SAPO TL ho SAPO Desporto