Quinta-feira, 28.05.15

Platini husu demisaun Blatter nian

Prezidente UEFA fó sai nia konversa nebe halo ho nia homólogu FIFA nian.


 

Michel Platini fó sai iha loron-kinta ne'e katak ko'alia ho Joseph Blatter no husu atu nia aprezenta pedidu demisaun hosi prezidénsia FIFA nian, tanba eskándalu korupsaun nebe rebenta ona iha loron-kuarta ne'e.

 

"Ha'u husu ba nia atu demiti: to'o ona, Sepp. Nia rona ha'u, maibé nia hatete mai ha'u katak tarde ona", Michel Platini fó sai no hatutan: "Ha'u konta buat sira ne'e ho matan-been. Ha'u la gosta atu akontese hanesan ne'e. Hanesan eskándalu nebe barak tebes".

 

Responsável husu organizmu europeu hatudu "inkomodadu ho lakon fiar" ho eskándalu korupsaun nian nebe envolve FIFA no garanti ona katak "asosiasaun barak" hosi UEFA "sei vota iha Ali [bin Al-Hussein]”, Blatter nia adversáriu iha eleisaun loron-sesta nian.

 

Nune'e, prezidente UEFA nian husu ona ba federasaun sira nebe asosiadu ho konfederasaun kontinentál sira hodi vota iha Ali bin Al-Hussein iha loron-sesta. "Antes hosi akontesimentu sira iha semana ne'e, ka la'e, maibé agora ho buat nebe akontese, ha'u hanoin katak Blatter bele lakon", Michel Platini hatete.

 

Tuir AFP, líder UEFA nian, organizmu nebe sei la impede hahalok eleitorál FIFA nian iha kongresu loron-sesta ne'e, tauk katak polémiku nebe lansa hosi investigasaun sira justisa norte-amerikanu no suisu nian bele estraga reputasaun futeból nian.

 

@SAPO Desporto

Jack Warner hetan detidu iha Trinidad no Tobago

Tribunal Port of Spain tau ona fiansa ida ho dólar rihun 394 ba dirijente ho tinan 72 ne'ebé akuzadu iha investagasaun norte-amerikana kona-ba korupsaun iha FIFA.


Antigu vise-prezidente FIFA Jack Warner hetan detidu iha Trinidad no Tobago iha kuarta-feira, hafoin justisa norte-amerikana iha alegasaun katak nia aseita subornu iha ámbitu mundiál futebol iha 1998 no 2010.

Naran Jack Warner konsta iha lista ida hosi dirijente nain sia ka esi-dirijente no parseiru na'in lima FIFA nain katak "sira abuza sira nia kargu konfiansa hodi hetan dólar millaun iha subornu sira", hatete prokuradora-jerál Lortta Lynch, iha Nova Iorque.

Jack Warner, tinan 72, deklara katak nia inosente iha Facbook, maibé hafoin entrega-an ba autoriddade sira iha ninia rai Trinidad no Tobago, marka prezente iha tribunal iha Porto of Spain, molok juíz estabelese ninia fiansa ho valor dólar 394.000, tuir imprensa lokál.

Ne'e la posível katak karik Warner toba kalan iha kadeia, tuir Trinidad Express.

"Señor Warner iha direitu ba prosesu estradisaun ida justu no Estadu rekerente hanesan rekeridu iha intensaun atu respeita dispozisaun sira ba nia hodi asegura katak sei respeitu señor Warner nia direitu sira", hatete prokuradora-jerál Trinidad no Tobago nian iha komunikadu.

Autoridade sira EUA nian hatete katak Warner uza ona ninia poder iha nível aas liu administrasaun futebol nian, hosi kedas 1990 ba ninia aan. "Entre buat sira seluk, Warner komesa ona husu no aseita subornu koneksaun ho ninia dever ofisál sira, inklui selesaun nasaun anfitriaun ba futebol mundiál, realiza ona iha 1998 (Fransa) no 2010 (Áfrika Sul)", nia partisipa hanesan membru komisaun ezekutivu FIFA nian, refere akuzasaun.

Departamentu Justisa EUA nian indisia ona dirijente na'in sia ka parseiru FIFA na'in lima, akuza sira ho konspirasaun no korupsaun iha tinan 24 ikus ne'e, iha kazu ida ne'ebé kauza subornu ho valor dólar rihun 151.

Entre akuzadu sira iha moos vise-prezidente FIFA nain rua, Eugénio Figueredo hosi Uruguai no Jeffrey Webb hosi Illas Caimão no hanesan moos prezidente CONCACAF nian, no moos Nicolás Leoz hosi Paraguai, eis-prezidente Konferénsia Amérika Sul (Conmebol).

Hosi dirijente indisiadu sira seluk, aleinde Jack Warner, iha moos José María Marín hosi Brazil, membru komité FIFA nian ba Jogu Olímpiku Rio 2016, Eduardo Li hosi Costa Rica, Júlio Rocha hosi Nicarágua, Rafael Esquivel no Costas Takkas hosi Illas Caimão.

FIFA provizóriu suspende oan ema 11 ba atividade hotu ne'ebé liga ho futebol: dirijente nain sia ka eis-dirijente indisiadu no moos Daryll Warner, Jack Warner nia oan, no Chuck Blazer, ema antigu futebol iha Estadu Unidus, eis-membru Komité Ezekutivu FIFA nian no alegadu informador prokuradoria nian norte-amerikana, ne'ebé suspende ona tanba fraude.

Akuzasaun mosu hafoin Ministériu Justisa no polísia Suisa nian kaer Webb, Li, Rocha, Takkas, Figueredo, Esquivel no Marin iha kuarta-feiram iha otel Zurique, loron rua ba eleisaun ba prezidénsia FIFA nian, no sira konkore ba prezidente agora nian, Suisu Joseph Blatter, no Ali bin Al-Hussein, hosi Jordánia.

Iha tempu hanesan, autoridade suísa nian loke investigasaun ida ba atribuisaun ba Mundial hosi 2018 no 2022 ba Rúsia no ba Qatar.

@SAPO Desporto

España lori klube lima ba iha edisaun oin mai

Vitória hosi Sevilha lori klube españól nian lima ba edisaun Liga Kampeaun oin mai

 

 

Foto: Jorge Guerrero

Sevilha selebra vitória Liga Europa nian iha Varsóvia

 

Edisaun Liga Kampeaun oin mai sei marka prezensa hosi klube españól nian lima ba vitória Sevilha iha final Liga Europa.

 

Formasaun andaluz halakon ukranianu sira hosi Dnipro 3-2 no garante prezensa iha edisaun oin mai hosi 'Champions' hamutuk ho Barcelona, Real Madrid, Atlético Madrid no Valência.

 

SAPO TL ho SAPO Desporto

tags:

pesquisar

 

Maio 2015

D
S
T
Q
Q
S
S
1
2
3
4
5
6
7
8
9
10
16
17
20
23
24
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo