Luis Enrique: "Ne’e maka momentu ida ne’ebé furak liu"

Treinadór españól elojiu ba ninia jogadór sira hafoin hakat ba finál Champions.

 

 

 

Foto: EPA

Luis Enrique manán duelo ho Pep Guardiola iha meia-finál


Luis Enrique sente kontente ho apuramentu Barcelona nian ba finál Liga Kampeaun, maski lakon, 3-2, ho Bayern Munique iha jogu segunda mão hosi meias-finais, ne’ebé hala’o ohin dadeer iha Allianz Arena.

 

Ba tékniku españól, expetativa hosi ninia ekipa bele alkansa istóriku 'triplete' iha jogu sira ne’ebé sei halo jogadór sira hanoin barak. "Ida ne’e maka hanesan momentu ida ne’ebé furak liu, maibé ami sei falta tan minutu 90 iha jogu tolu [ba ipóteze atu manán kampeonatu iha loron-Domingu, final Taça do Rei no sei hakat ba finál Liga Kampeaun]", dehan.

 

Iha análiza ba enkontru, Luis Enrique subliña ona katak vantajen boot hosi golu tolu ne’ebé hasoru iha dezafiu dahuluk ninian. "Ha’u konsidera katal ami mai ho vantajen ida ne’ebé kómoda no ida ne’e obriga maka’as ba adversáriu. Sofre 1-0 mosu dúvida, maibé kompensa situasaun hodi hamosu asaun perigu. Segunda parte ami susar tebes no ami lakon bola barak. Objetivu agora maka maravillozu no ami hein katak to’o ba finál temporada tanba besik lori vitória ida ba kompetisaun hothotu", hatutan.

 

Kestiona kona-ba influénsia hosi tridente ofensivu Messi-Suarez-Neymar iha produsaun ekipa nian, treinadór rekoñese kualidade boot hosi avansadu sira. "Iha virtude barak, além kualidade individual (Messi, Suárez no Neymar). Sira komprende malu no sira serbisu hamutuk, ema buka sira no ida ne’e susar ba adversáriu sira", konklui.

 

Agora Barcelona hein vensedór hosi duelo entre Real Madrid no Juventus iha jogu meia-finál seluk hosi Champions.

 

SAPO TL ho SAPO Desporto

tags: