Manchester United venceu Manchester City por 4-2

Red devils konsege hetan pontu haat ba rival City.

 

 

Foto: Peter Powell

Rivalidade remata ho apitu árbitru. 

 

Manchester United horikalan manán Manchester City 4-2, iha Old Trafford, iha jogu 32.ª jornada hosi Liga ingleza futeból, no aumenta vantajen ba pontu haat ho rival ne’ebé hosi sidade hanesan.

 

City to’o hahú ho di’ak, ho internasionál arjentinu Kun Aguero hodi inaugura markadór iha minutu ualu ninian, hafoin asisténsia hosi David Silva, maibé reasaun United ba kedas iha minutu 14 Ashley Young estabelese hikas empata. Young ne’ebé servi mós hanesan internasionál belga Maroune Fellaini ba halo golu daruak hosi United, iha minutu 27, hodi fila tiha rezultadu molok intervalu.

 

Iha jogu segunda parte, United konsolida ona ninia superioridade no marka fila fali iha minutu 67, hosi internasionál españól Mata, hafoin asisténsia Wayne Rooney, no iha minutu 73 hosi defeza sentrál Chris Smaling.

 

 ‘Citizens’ sei konsege reduz ba 4-2 iha minutu ida atu remata hosi Kun Aguero, maibé destinu jogu ne’ebé traxa ona no ekipa konfirma ona momentu ne’ebé la di’ak hodi hakat liu terseira derrota iha jogu haat ikus ninian ba Liga ingleza hafoin la’o fulan balun hodi hadau lideransa ho Chelsea, de José Mourinho.

 

Ho vitória ida ne’e, ‘red devils’ konsolida terseira pozisaun ho pontu 65, sai de’it hanesan segundu lugár okupa hosi Arsenal no ualu hosi Chelsea, ne’ebé horikalan ba iha terrenu Queens Park Rangers manán 1-0, ho golu ida hosi espanhol Fàbregas, iha minutu 88.

 

SAPO TL ho SAPO Desporto

tags: