Wolfsburgo empata, nune’e mós ho Bayern Munique

Bayern Munique kontinua sai lideransa hosi Liga Alemã ho pontu 46, tuir fali hosi Wolfsburgo ho pontu 38.

 


Foto: GUENTER SCHIFFMANN / AFP
Bastian Schweinsteiger no Arjen Robben selebra golu internasionál olandés.


Bayern Munique ohin maka hala’o jogu ba daruak nian ne’ebé la manán iha Liga alemã futeból, hodi empata (1-1) bainhira simu no joga hasoru Schalke 04, maibé manten nafatin ho pontu ualu hosi vantaje lideransa nian duke Wolfsburgo, iha jogu kualifikasaun ba 19.


Hafoin desaire boot (4-1) ne’ebé lakon iha Wolfsburgo nia kampo, tuir klasifikadu, formasaun Pep Guardiola kontinua la manán bainhira fila hikas hosi Bundesliga hafoin halo pauza iha tempu invernu, maski hasoru Schalke 04 ho unidade ne’ebé menus hahú hosi minutu 17, tanba duni sai tiha Boateng.


Iha lansa ida ne’e, internasionál jermániku komete penalidade ida, maibé markasaun kamaronês Choupo-Moting permiti defeza guarda-redes Manuel Neuer.


Iha segunda parte, hafoin xuta bola kantu ida, olandés Robben halo Bayern Munique hetan vantajen iha minutu 67, maibé Schalke 04, sai hanesan ‘carrascos’ hosi Sporting iha tinan ida ne’e iha Liga Kampeaun, halo hanesan mós hosi defeza Howedes, iha minutu 72.


Wolfsburgo ne’ebé tuir lider la aproveita deslize sia hosi bávaros no empata golu ida hanesan iha kampo Eintracht Frankfurt.


SAPO TL ho SAPO Desporto

tags: