Messi hanesan ho Raúl nu’udar markadór di’ak liu hosi taxa europeia

Avansadu arjentinu halo golu hamutuk 76 bainhira manán Paris Saint-Germain (3-1).

 

 

Messi marka golu rua iha vitória ne’ebé halo ohin dadeer.

 

Arjentinu Lionel Messi ohin dadeer halo golu hanesan ho españól Raúl nu’udar markadór di’ak liu hosi kompetisaun europeia futeból nian, bainhira sura nia golu hamutuk 76, iha vitória FC Barcelona nian ne’ebé hasoru Paris Saint-Germain (3-1).

 

Messi "marka" iha minutu 19, hafoin hetan asisténsia ida hosi jogadór uruguaiu Luis Suárez, ne’ebé hanesan ho tentu 76 hosi eis-jogadór Real Madrid no hosi husik hela portugés Cristiano Ronaldo, ne’ebé iha loron-Kuarta dadeer foin atinji golu 75.

 

Númeru "10" hosi "Barça" konta golu 75 iha Liga Kampeaun no ida iha Supertaça Europeia, apontadu ba FC Porto (2-0), iha Mónaco, iha tinan 2011.

 

Ko’alia kona-ba exkluzivu ba "Champions", ne’ebé kria iha tinan 1992/93, Messi hametin lideransa, hosi sura tán golu tolu (75 kontra 72) duke Cristiano Ronaldo, ida ne’e maski sei hadua hela jogu 21 duke "kapitaun" selesaun lusa.

 

Iha istória prinsipál tomak prova europeia klube sira, arjentinu mós sai líder, ho liu golu rua duke Ronaldo, ne’ebé foin iha golu 73 – marka tentu ida iha pré-eliminatória, ne’ebé la konta iha konta Liga Kampeaun.

 

Messi agora lidera tabela hotuhotu hosi taxa europeia, iha temporada ida ne’ebé nia mós sai markadór di’ak liu hosi istória Liga española.

 

Iha edisaun ne’e hosi "Champions", arjentinu marka golu ualu, marka ninia rekorde pesoál iha faze grupu (neen iha 2010/11, 2011/12 no 2013/14) no sai hanesan máximu hosi prova, golu sia hosi Ronaldo, iha époka liu ba, no hosi brazileiru Luiz Adriano (Shakhtar) – ohin la joga bainhira hasoru FC Porto.

 

SAPO TL ho SAPO Desporto

tags: