"Drogba maka desidi bainhira maka sei la joga"

Treinadór portugés hosi Chelsea valoriza maka’as avansadu marfinense iha ekipa.

 

 

Didier Drogba marka tán golu ida hosi ekipa Chelsea

 

José Mourinho realsa kona-ba importénsia ne’ebé veteranu Didier Drogba, ho tinan 36, ne’ebé sei nafatin iha ekipa Chelsea.

 

Hafoin kontribui tán golu ida iha vitória ne’ebé lori Kuarta hasoru Tottenham, marfinense maka hetan elojia maka’as hosi treinadór portugés. "Iha primeiru lugár nia maka nu’udar jogadór ekipa, karakterístika ne’ebé alia ba mentalidade moda antiga. Nia la’ós foti-aan, sai hanesan mane klosan ida ne’ebé hakraik aan, joga no luta ho ekipa", Mourinho komesa dehan, hodi vinka ninia vontade  hodi haree atu kontinua reprezenta klube: "Tantu Chelsea nune’e mós ha’u, ami hakarak atu nia hela nafatin. Nia maka sei desidi katak atu joga ká lae".

 

"Ha’u hasoru ona ho Real Madrid no mós iha tinan kotuk bainhira nia iha Galatasaray, no ha’u haree potensiál ne’ebé sei iha. Ha’u hatene katak, tuir pontu vista mentál, nia preparadu ona hodi joga hasoru jogu hothotu", hatutan Mourinho.

 

Chelsea manán Tottenham, 3-0, no lidera Premier League.

 

SAPO TL ho SAPO Desporto

tags: