Huesca lakon ho Barcelona iha Taça do Rei

Iha mós jogu sira seluk ne’ebé hala’o ohin dadaeer maka hanesan, Granada manán Córdoba 1-0, Atlético de Madrid ba L´Hospitalet nia kampo no manán 3-0, enkuantu Deportivo no Málaga empata ho bola ida-ida.


 

Foto: AFP@JONATHAN NACKSTRAND

Iniesta

 

Ohin dadeer Barcelona manán Huesca, hosi jogu segunda divizaun B española, ho 4-0, iha jogu primeira mão Taça do Rei hosi futeból España, ne’ebé jogu hala’o iha sidade Huesca.

 

Iha jogu ne‘e la hatun jogadór “estrela” hanesan Lionel Messi, Neymar ká Luis Suárez, katalaun sira domina tomak iha jogu ne’e, no sira nunka iha dúvida atu sai vensedór hosi jogu refere.

 

Golu sira ne’ebé marka hosi katalaun nian maka Ivan Rakitic, iha minutu 12, Andrés Iniesta (hafoin hetan lezaun bainhira joga hasoru Real Madrid iha loron 25 fulan-Outubru  no fila hikas fali ba jogu), hodi marka golu iha minutu 16, Pedro Rodríguez, iha minutu 39, no Rafinha, maka taka markadór iha minutu 72.

 

Iha mós jogu sira seluk ne’ebé hala’o ohin dadaeer maka hanesan, Granada manán Córdoba 1-0, Atlético de Madrid ba L´Hospitalet nia kampo no manán 3-0, enkuantu Deportivo no Málaga empata ho bola ida-ida.

 

Ohin mós, Sevilha konfirma ninia pasajen ba faze tuir mai hosi kompetisaun ne’ebé nia liu ona Sabadell no besik ho Real Madrid, iha loron-Tersa bainhira manán Cornella, iha oitavu finál kompetisaun nian.

 

SAPO TL ho SAPO Desporto

tags: