Argentina 0-1 Portugal

Guerreiro: "Ha'u sente orgullu boot ida bainhira hatais kamizola ida ne’e"


Joven ho tinan 20 marka ninia golu dahuluk husi selesaun portugeza.

 

 

Foto: LUSA

Laterál halo úniku golu husi jogu.

Raphael Guerreiro maka sai jogadór destake iha enkontru entre Arjentina no Portugal hodi marka golu vitória nian. Iha deklarasaun ba site Federasaun Portugeza Futeból (FPF), luso-fransés hatudu ninia kontente iha loron ida ne’e.

 

“Ha’u serbisu lorloron hodi hadi’a no la’ós de’it golu ida ne’e no la’ós ho jogu ida ne’e maka atu hadook ha’u, Ha’u hatene katak fila fila ba Selesaun ha’u presiza kontinua serbisu maka’as hahú aban. Ohin loron ha’u sente kontente tebes. Marka golu iha estádiu ida ne’e, hasoru Arjentina, sai momentu ksolo ida”, nia afirma.

 

Defeza Lorient hatete katak ba selesaun, nu’udar primeira vez, kontribui maka’as ba ninia evolusaun no agora só hakarak repete esperiénsia iha tinan sira oin mai.

 

“Ha’u sente katak ha’u komesa dezenvolve daudaun no mai iha Selesaun ne’e hodi ajuda maka’as iha evolusaun ne’e. Grupu ne’e sai fantástiku tebes ho ha’u durante iha semana tomak ida ne’e nia laran. Hanesan orgullu boot ida hatais kamizola Portugal no ha’u hein katak sei hatais iha tinan barak nia laran”, nia hakotu liafuan.

 

SAPO TL ho SAPO Desporto

tags: