Koke: "Cristiano mak atleta ida, Messi mak Maromak"

Médiu Atlétiku la laran ruarua bainhira hatudu nia nu’udar jogadór di’ak liu iha Liga Española.

 

 

Foto: GERARD JULIEN / AFP

Jogadór na’in rua ne’ebé di’ak liu iha mundu durante "klásiku" españól.

 

Ida ne’e nunka bele haketak: Messi no Cristiano Ronaldo konsidera nu’udar jogadór di’ak liu hodi atua iha España no, aliás, iha Mundu tomak. Diskusaun kona-ba se mak sai "númeru um" daudaun ne’e Koke, médiu Atlétiku Madrid, hodi espresa ninia hanoin.

 

"Cristiano mak atleta ida, maibé Messi mak Maromak", Koke analiza hodi deklara ba rádio Ondacero, akresenta katak: "bainhira [Messi] iha kampo sai espetakulu tebes. Susar tebes atu marka no ha’u gosta nia bele hamutuk ho ha’u iha ha’u-nia ekipa. Akontese mós ho Cristiano, maibé ha’u hanoin prefere Messi".

 

Médiu Atlétiku halo komentáriu ba finál Liga Kampeaun, ne’ebé sira lakon hasoru Real Madrid.

 

"Futeból ne’e buat ida ne’ebé sai aat  tebes mai ami. Oxalá ami iha oportunidade atu kontra", nia deklara.

 

SAPO TL ho SAPO Desporto

tags: