Marselha manan iha desontu no husik Bordéus ho pontu lima

Mónako Leonardo Jardim nian hasoru Paris Saint-Germain iha loron-domingu.

 

AFP@ Jean-Francois Monier


Iha loron-sábadu ne'e Marselha hametin ona lideransa iha Liga Franseza Futeból nian, bainhira mana'an iha Caen ho 2-1, iha jogu hosi jornada dasia, ho golu vitória nian ne'ebé marka de'it iha minutu 90+3, hosi André Gignac.

Golu tolu iha jogu ne'e akontese iha minutu ikus sira, ho "sanulu-resin-ida" Marcelo Bielsa nian adianta iha minutu 74, ho golu ida hosi médiu togolés Alaixys Romão, no Caen estabelese fali igualdade iha minutu 84, liuhosi defeza sentrál gabonés Musavu-King.

Vitória dahitu Marselha nian, iha períudu kompensasaun nian, iha minutu 90+3, ho golu desizivu ne'ebé marka hosi André Gignac hametin ona lideransa iha markadór sira ho golu sia iha jogu sia.

Ho vitória ne'e, Marselha aproveita ona falla hosi klasifikadu daruak, Bordéus, ne'ebé iha loron-sesta ne'e lakon iha Reims, ho 1-0, nune'e hetan ona pontu 22.

Klasifikadu datoluk, Lille, ho pontu 15, iha deslokasaun susar ida, iha loron-domingu, hasoru Lyon, bainhira iha pozisaun dahaat okupa hosi detentór títulu nian Paris Saint-Germain, ne'ebé sei simu AS Mónaco iha loron-domingu, klube ne'e treina hosi tékniku portugés Leonardo Jardim no aliña mós jogadór luzu sira hanesan Ricardo Carvalho, João Moutinho ho Bernardo Silva.