Paris Saint-Germain 2-0 Caen

Parisiense sira asegura vitória importante ida iha Caen, materializa ho tentu sira husi Lucas Moura (iha minutu 18) no Marquinhos (minutu 56).

 

 

Foto: CARLO HERMANN / AFP
Paris Saint-Germain ohin mantén nafatin distánsia ba líder Liga franseza futeból, Marselha, hafoin manán iha Caen 2-0, ninia primeira vitória iha kampeonatu ne’e.

 

Iha ronda ida marka husi primeira derrota Lille no husi vitória datoluk ne’ebé tutuir malu, haktuir iha kampeonatu, husi Mónaco de Leonardo Jardim, parisiense sira hametin vitória importante ida iha Caen nia kampo, golu rua ne’ebé marka husi Lucas Moura (iha minutu 18) no Marquinhos (56).

Golu ida husi Valere Germain, halo deskontu, Mónaco manán iha Montpellier nia kampo, ne’ebé permite ho Leonardo Jardim hodi rekupera tan fatin balun iha kampeonatu fransés futeból, ba jogu dala hitu ninian.

 

Terseiru ezitu iha kampeonatu, haktuir konsekutivu, permite ba monegasku sira agora hetan pontu 10, hodi halo hanesan ho ninia rival, ne’ebé hodi ba joga fali iha ronda seluk iha grupu kintu klasifikadu husi Liga.


Ricardo Carvalho, João Moutinho no Bernardo Silva (substitui husi Dirar, 75) sira sai titulár susesu ida ne’ebé susar tebes husi ekipa monegaska.
Atu buka fatin ba europeu, Lille, ho Marcos Lopes sai titulu, lakon ho Nice, 1-0, no monu ba pozisaun lima, hafoin PSG manán.

 

Iha duelo entre portugés sira, Lyon, de Anthony Lopes, manán Lorient, husi médiu Raphael Guerreiro (substitui iha minutu 69 husi Diallo), ho 4-0, enkuantu Pedrinho maka sai suplente ne’ebé la uza iha jogu.

 

Alelxandre Lacazette (39 no 68), Nabil Fekir (59) no Clinto Njie (62) marka vitória ne’ebé mós permite ba Lyon hetan pontu 10, enkuantu Lorient nafatin ho pontu hitu.

 

Nantes 0-0 bainhira ba joga iha Bastia, Evian manán Lens 2-1 no husik ona pozisaun últimu lugár, agora okupa husi Guingamp ne’ebé lakon nia uma 1-0 ho Metz, konfortável primeira metade klasifikasaun.

 

Marselha golea iha loron-tersa bainhira ba joga iha Reims (5-0) no lidera nafatin, enkuantu Toulouse tenke hetan 3-0 iha Rennes nia kampo.

 

Atu konklui ba ronda ne’e sei hela jogu entre Saint-Etienne, kuartu klasifikadu, no Bordéus, terseiru,sei joga iha kinta, ho vensedór hodi bele halo hanesan Marselha ne’ebé sei lidera husi prova.

 

Sapo TL ho SAPO Desporto ho/Lusa

tags: