"Ha’u foka liu ba Benfica "

Jogadór médiu brazileiru garante katak ekipa Benfica sei manan iha jogu kontra Zenit São Petersburgo.


Médiu brazileiru ne’e maka halo ekipa enkarnada manan iha jogu kontra Vitória de Setúbal Foto: Miguel A. Lopes/Lusa


Talisca hanesan jogadór ne’ebé ekipa Benfica hili ba antevizaun Benfica nian ba jogu kontra Zenit São Petersburgo, ba kampeaun nasionál hosi edisaun Liga dos Campeões.

 

Ho hat-trick ne’ebe nia halo iha jogu hasoru Vitória de Setúbal no elojiu ne’ebé José Mourinho halo, joven médiu, ho idade 20, haktuir katak nia só hanoin de’it ba iha ekipa enkarnadu no ba iha jogu ne’ebe sei hala’o orsida iha Estádio da Luz.

 

"Ha’u-nia atensaun ba iha Benfica. Ha’u fó agardese ba oportunidade hodi bele tama iha ne’e no karik la’os tanba Benfica ninia ema ha’u sei laiha ne’e. Ha’u fó obrigadu tebes ba sira tanba hili ona ha’u sai jogadór Benfica nian. Ha’u-nia hanoin atu joga iha ne’e no ajuda klube ne’e manan títulu", dehan jogadór relasiona ho deklarasaun José Mourinho, nian katak brazileiru kontratadu ba Bahia joga ona iha Inglaterra karik hetan lisensa servisu hodi aliña ba iha Premier League.

 

Nia mós ko’alia kona-ba ninia protagonismu foun iha ekipa, hafoin sai nu’udar jogadór di’ak iha Bonfim durante jogu kontra Lima iha atake klube Luz. “Ho pozisaun saida de’it ha’u ajuda Benfica. Ha’u prontu atu ajuda grupu no Benfica”, hatutan.

 

Kona-ba jogu hasoru ekipa russu, Talisca dehan katak sei difisil bainhira hahú jogu iha Estádio da Luz: “Hatene difikuldade ne’ebé grupu hasoru, tanba ekipa hirak ne’e ho kualidade no ami sei halo ami-ninia kanr. Grupu ne’e fó atensaun no hakarak atu alkansa ami-ninia objetivu”.

 

Benfica-Zenit São Petersburgo, sei joga iha 1ª jornada hosi grupu C Liga dos Campeões, ne’ebé sei hala’o orsida tuku 19h45.

 

SAPO TL ho SAPO Desporto

 

tags: