Benfica loke eskola atu forma jogadór sira iha Guiné-Bissau

Benfica asina horiseik, iha Bisau, protokolu ida ho nia konjénere Guiné-Bissau nian, atu hodi loke eskola futeból ba labarik Guiné-oan 400.


 

Rui Gomes da Silva, visi-prezidente Benfica, asina protokolu ne’e reprezenta klube lisboeta nian, maibé portugés Sérgio Marques, assina hosi Benfica Bissau nian, hanesan prezidente hosi klube guineense.

 

Serimónia asinatura protokolu ne’e, hala’o iha Estádiu Nasionál 24 -setembru, Bissau, hetan testemuña hosi primeiru-ministru guineense, Carlos Correia, membru Governu sira no embaixadór Portugál ba Guiné-Bissau, António Leão Rocha.

 

Tuir líder Benfika Bissau, Sérgio Marques, abertura ba eskola Jerasaun Benfica "hanesan mehi ne’ebé sai realidade", no ne’ebé hateten tan katak eskola ne’e la’os atu serbi de’it klube 'enkarnado', maibé mós ba futeból guiné nian rasik.

 

 

Ko’alia lori prezidente Benfica nia naran, Luís Filipe Vieira, ne’ebé iha oras ikus labele desloka bá Bissau, Rui Gomes da Silva hatete katak nia hato’o parabéns tanba asina ona protokolu refere, hodi nune’e bele harii ona eskola futeból nian ida iha Guiné-Bissau", ho imajen iha Portugál" no iha parte seluk iha mundu " hodi duni marka Benifica nian".

 

Visi- prezidente klube Luz dehan hein katak iha futuru eskola ne’e bele" produz jogadór foun ba Guiné-Bissau", bele serbi Benfica, nomós ba selesaun Guiné-Bissau nian.

 

Diriji espesifikamente ba primeiru-ministru guineense nian, dirijente Benfika hakarak projetu ne’ebé horiseik hahú, bele produs jogadór sira ne’ebé "kapáz liu atu haksoit no bele sai atleta ne’ebé di’ak", hanesan Nuno Gomes ho Pedro Mantorras, eis-estrela rua ne’ebé tama iha komitiva 'encarnada'.

 

Alénde asinatura formál protokolu nian kona-ba abertura eskola Jerasaun Benfica, hatudu mos labarik atus rua resin iha Estádiu 24-setembru ho atributu Benfica nian.

 

Tuir mai, iha mos jogu futeból ida entre ekipa seniór klube guineense nian kontra Benfica B, no ida ikus maka sai hanesan manan-na’in ho rezultadu 4-3.

 

SAPO TL ho Lusa