Arábia Saudita deside falta iha jogu kualifikasaun Mundiál2018 ho Palestina

Arábia Saudita deside falta iha jogu mak hala’o iha loron-kinta ho Palestina, iha Ramallah, hosi faze kualifikasaun aziátika ba Kampeonatu Mundu futeból tinan 2018 nian, anunsia horisehik federasaun saudita.


 

Foto: Epifânio Sarmento @SAPO TL

 

"Federasaun haruka mensajen ida [ba FIFA] hodi husu deskulpa tanba falta iha jogu ho Palestina mak ajenda ba loron-kinta", tenik portavós federativu nian Adnane al-Moueibid.

 

FIFA rejeita tiha ona Arábia Saudita nia hakarak, ne’ebé rekoñese "sirkunstánsia esesionál" hodi husu realizasaun iha terrenu neutru hosi enkontru entre selesaun rua, mak fofoun marka ba oron 21 outubru, maibé adia ba loron 05 novembru.

 

Palestina aseita ona hodi muda orden jogu grupu A nian hosi apuramentu nian – ne’ebé integra mós Timor-Leste -, maski fofoun tenke joga iha uma, iha fulan juñu, maibé konkorda hodi dezloka ba sidade saudita, Jeddah, iha ne’ebé nia lakon por 3-2.

 

SAPO TL ho Lusa