Buffon ho époka Juventus nian: "Ho tinan 38 ha'u lakohi halo figura nebe halo moe"

Buffon apela ba ekipa hodi hatudu liután iha kampu no husik kesar hasoru arbitrajen sira, tanba ne'e hanesan "natureza ema sira nebe lakon".


AFP@ Marco Bertorello

 

Juventus nia époka iha Liga Italianu sai aat liu. Vecchia Signora, kampeaun iha títulu, okupa fatin 12, ho pontu 12 iha jogu sanulu. Juventus lakon beibeik iha prova, ikus liu maka hasoru Sassuolo iha loron-kuarta liubá. Rezultadu ida nebe halo Buffon, guarda-rede no kapitaun ekipa, la haksolok.

 

"Ho tinan 38 ha'u lakohi halo figura sira nebe halo moe. Ami tenki fila fali ba rai. Ami halo tiha ona parte dahuluk nebe la dignu, tanba ami le hetan bola aéreu ida. Hanesan minutu 45 nebe lahó intensidade", refere hosi guardiaun iha deklarasaun sira nebe halo ba ´La Gazzetta dello Sport`.

 

Buffon apela ba ekipa hodi hatudu liután iha kampu no husik kesar hasoru arbitrajen sira, tanba ne'e hanesan "natureza ema sira nebe lakon".

 

"Ami tenki hadi'a mós sentidu responsabilidade nian. Ladún reklama ho árbitru no ami tenki sai humilde liu. Desizaun ida nebe sala hosi árbitru labele sai hanesan deskulpa ida, ne'e hanesan natureza hosi ema sira nebe lakon no Juventus la toman ho mentalidade ida ne'e", nia hatete.

 

@SAPO Desporto