Fernando Santos: "Cristiano Ronaldo iha egosimu puru ida"

Selesionadór portugés elojia avansadu hosi ekipa Real Madrid. Fernando Santos hatene di’ak tebes kona-ba saida maka sei halo hamutuk ho Cristiano Ronaldo.


                                                                             Foto: FRANCISCO LEONG / AFP

 

Hafoin, fó tiha orientasaun ba avansadu ne’e iha Sporting, bainhira Ronaldo sei ho idade 18, agora orineta tan krake ne’e iha selesaun portugeza no elojia Ronaldo hanesan jogadór “egoista” ida …maibé ho sentidu di’ak.

 

“Nia sei hanesan uluk, bainhira ho tinan 18: manan-nain ida ne’ebé ho natureza. Nia iha egoista ne’ebé puru, katak ‘ha’u hakarak manan’, ‘ha’u hakarak atu sai ida ne’ebé di’ak liu’. Karik, hahalok egoismu ida hanesan ne’e, ladi’ak, ha’u sente la’e. Cristiano Ronaldo hanesan ema ne’ebé, no tanba hakarak sai hanesan ne’e duni. Ha’u nunka haree Cristiano hirus bainhira ekipa lamanan no bainhira nia lamarka golu”, dehan Fernando Santos bainhira halo entrevista ba ajénsia EFE.

 

Bainhira husu kona-ba ipóteze katak Ronaldo sai di’ak tanba “luta” ho Messi, Santos hatan dehan: “Buat di’ak ba Cristiano Ronaldo, maka luta hasoru ninia-an rasik. Bainhira koñese Messi, nia ladauk iha.

 

Cristinao iha potensiál ne’ebé di’ak tebes, hanesan Eusébio, maibé ha’u dehan katak, iha jogu aérero nia ladun maka’as. Iha loron tuir mai, nia halo remata ho kabesa (…). Hosi ne’e, ema sira ne’ebé matenek, lakonsege halo komparasaun no Ronaldo ho Messi hanesan ema na’in rua ne’ebé di’ak liu”.

 

Selesionadór ne’e defende tan katak CR7 nunka sai hanesan “klásiku dasia ida”, maski halo beibeik atuasaun iha sentru atake nian.

 

“Sei lasai hanesan ida ne’ebé di’ak liu, klásiku dasia ida mos ne’ebé joga ho kotuk iha área laran, ka’er-metin bola iha kampo laran…Nomós lahanesan estremu klásiku ida, hanesan ho Figo. Cristiano sei halo di’ak liu bainhira sai hanesan avansadu hosi parte los no karuk no tama ba kampo laran”, analiza.

 

SAPO TL ho SAPO Desportu

tags: