FIFA ajenda Palestina-Arábia Saudita ba loron 05 novembro

Ohin FIFA marka enkontru entre Palestina no Arábia Saudita ba loron 05 novembru, hosi kualifikasaun ba Mundiál futeból 2018, ne’ebé adia tiha tanba kestaun seguransa.


 

"Bazeia ba akordu ne’ebé halo entre ekipa rua ne’e, marka enkontru ba kinta-feira, loron 05 novembru", refere komunikadu ne’ebé divulga hosi FIFA.

 

Iha fulan juñu, selesaun rua ne’e halo akordu inversaun orden jogu grupu A hosi apuramentu ba Mundiál2018, iha ne’ebé primeiru jogu disputa iha Arábia Saudita (3-2 ba saudita sira), iha fulan juñu.

 

Segundu enkontru marka ba loron 13 outubru, maibé adia fali hafoin federasaun saudita lakohi halo viajen ba nasaun ne’ebé iha estadu funu ho Izraél.

 

Komunikadu FIFA nian la mensiona fatin ne’ebé sei hala’o jogu, maibé garante katak organizmu ne’ebé organiza futeból mundiál simu "garantia seguransa hotu hosi autoridade palestiniana sira".

 

Arábia Saudita lidera grupu A iha apuramentu, ne’ebé, aleinde Palestina, integra mós Emirados Árabes Unidos, Malázia no Timor-Leste.

 

SAPO TL ho Lusa