Aleman-oan ida ne’ebé haree ona jogu futeból iha nasaun 155, inklui horisehik iha Timor-Leste

Markus Binder, hosi Estugarda- aleman, ho tinan 31, iha 'hobby' ida ne’ebé sei inveja ema barak, ohin to’o ona iha kapitál Timor-Leste, hanesan nasaun 155.º ne’ebé nia vizita ba hodi asisti jogu futeból.


 

"Ha’u halo vizita bá nasaun hotu hodi haree futeból no depois ha’u sei hela loron balun hodi hatene klean kona-ba nasaun refere”, esplika ba Lusa, liu hosi foto ne’ebé nia hasai, durante jogu kualifikasaun Mundiál 2018 ne’ebé hala’o horisehik entre Timor-Leste ho Palestina (ho empata 1-1), iha Estádio Munisipál Dili.

 

Serbisu iha marketing, maibé aproveita halo viajen no liu hosi jogu futeból ne’ebé nia haree dala barak ona, halo nia atu “hakerek buat balun” hodi sai hanesan publikasaun kiik aleman nian.

 

Nia dehan objetivu maka hakerek livru ida kona-ba 'hobby' ida ne’ebé lakonsege atu esplika lolos horibainhira maka hahú: karik kona-ba jogu dahuluk ne’ebé nia haree iha Estugarda, "ho tinan 13 ka 14", karik kona-ba jogu bot ne’ebé haree iha 2000 – bainhira Alemaña manan Inglaterra iha Wembley.

 

Hosi ne’ebá, maka ha’u la’o haleu mundu, aproveita ona tinan rua nia laran – 2010 – 2012 –hodi konta nasaun hirak ne’ebé nia vizita ba, no konsege haree uitoan kona-ba jogu entre selesaun bobot to’o “enkontru kiik hosi liga ba Seicheles ne’ebé ho ema 40 ka 50".

 

Alemaña-oan ne’e to’o horisehik iha Timor-Leste, no sei hela to’o loron 14 fulan ne’e, hodi asisti jogu ne’ebé hala’o horisehik nomós no iha jogu entre selesaun timor-oan hasoru Malázia, tuir mai hosi grupu A ba jogu kualifikasaun Mundiál 2018.

 

Binder dehan katak nia lagosta atu halo entrevista, maibé hakarak atu esplika katak ida ne’ebé interesante liu maka bele vizita nasaun kiik balun no ida ne’ebé hetan vizita barak liu iha mundu, hanesan Papua Nova Guiné, illa Estadu iha Pasífika oioin, Butaun ka agora hanesan mai Timor-Leste.

 

Hosi nasaun luzofonia, hela de’it maka Kaboverde ho São Tomé e Príncipe – nia bá ona Guiné Ekuatoriál no haree mos futeból iha teritóriu Makau nian.

 

"Di’ak tebes. Ha’u asisti lai jogu jogu bobot no depois maka hakat ba haree fali hirak ne’ebé kiik. Ha’u haree ona jogu futeból iha estádiu ida ne’ebé kampo de’it, rai no ho banku rua ba ekipa nian", nia konta.

 

Viajen naruk ne’ebé sei tenke hakotu bainhira hala’o vizita ba to’o nasaun hosi membru FIFA 200 resin, maibé dehan katak bele hahú, ho nasaun ne’ebé nia gosta liu.

 

SAPO TL ho Lusa