Palestina halo empate 1-1 iha oras estra minutu haat nian, bainhira joga iha Timor-Leste

Golu ne’ebé marka iha oras estra minutu haat nian, hosi substitutu iha segunda parte, horisehik, halo ona jogu entre Palestina ho Timor-Leste empate 1-1, hosi segundu jogu kualifikasaun futeból Mundiál 2018, ne’ebé hala’o iha Estádiu Munisipál Dili.


 

Iha minutu 54, hafoin jogu hahú ho parte eskerda livre hosi atake timor-oan nian, no hafoin resaltu oioin, maka Ramon de Lima, marka kedas golu ida no halo timor-oan 2.000 ne’ebé asisti jogu refere, hakilar no haksoit.

 

Timor-Leste lafó fatin ba Palestina, maibé ikus mai selesaun Palestina nian konsege hatama duni golu ida iha finál jogu. Ema barak maka fó suporta to’o jogu ninia rohan no bainhira tama ba oras estra, ho minutu haat, Ahmed Abuhania, konsege hatama duni golu ida, liu hosi remate kabesa nian.

 

Iha parte dahuluk, bainhira Khader Abuhammad, kapitaun palestina tebe hodi halo remate maka hatauk tiha selesaun timor-oan nian, iha minutu 17.

 

"Futeból iha buat hirak ne’e. Ami konsege hakata ba oin, iha jogu estratéjia ida ninia laran no sira iha de’it forma refere hodi hatama golu, bola aérea ida", dehan ba ajénsia Lusa Fernando Alcântara, treinadór hosi selesaun timor-oan nian.

 

Tuir tékniku ne’e, Timor-Leste lakonsege asegura vantajen iha lanse ikus, maibé hato’o parabéns ba ninia jogadór sira “tanba durante jogu sira halo tuir duni orientasaun tátika ne’ebé sira simu”.

 

Treinadór brazileiru dehan katak iha segunda parte adota ona tranzisaun ofensiva, hodi fó fatin, hatama golu ba selesaun timor-oan nian.

 

Hafoin jogu refere, Arábia Saudita maka lidera ho pontu sia iha jogu tolu, tuir Emiratus Árabes Unidus, ho pontu hitu, hosi jogu tolu mos.

 

Palestina maka terseira, ho pontu lima iha jogu haat no Timor-Leste dahaat, ho pontu rua, liu Malázia ne’ebé iha jogu haat konsege manan de’it pontu ida. Timor-Leste sei joga hasoru fali selesaun Malaia iha 13-outubru.

 

SAPO TL ho Lusa