Messi marka golu rua bainhira Barcelona manán Levante 4-1

'Bis' ka golu rua hosi Messi mantén FC Barcelona 100 por sentu vitoriozu iha Liga española

 


FC Barcelona manten iha inísiu 100 por sentu vitoriozu iha kampeonatu españól futeból manán hafoin simu no joga hasoru Levante, 4-1, ho ‘bis’ ida hosi Messi, no sai hanesan lideransa, iha finál kuarta jornada.


Iha Nou Camp, iha klasifikadu ikus ninian, kampeaun españól bainhira intervalu empata zero, maibé sira haka’as aan ‘galões’ iha segunda parte, ho Messi hodi marka iha minutu 61 no minutu 90, falla penalidade ida.


Ho sisténsia hosi arjentinu, Bartra loke kontajen, iha minutu 50, no brazileiru Neymar mós inskreve ninia naran iha lista markadór jogu, iha minutu 56. Casadeus halo úniku tentu hosi Levante, iha minutu 66.


Formasaun Luis Enrique to’o ba iha lideransa ho máximu pontu 12, liu pontu rua duke Real Madrid, ne’ebé simu no halakon iha sábadu Granada, 1-0, nomós Villarreal no Celta Vigo, ekipa sira ne’ebé ohin alkansa vitória presioza.


Emblema ne’ebé galegu halo hodi manán ba iha Sevilha nia uma 2-1, ho golu sira hosi Nolito no Daniel Wass, sira na’in-rua iha primeira parte. Lahó portugés iha kampo, formasaun uma nainsei konsege reduz ba minutu 54, hosi Fernando Llorente, maibé laiha ona argumentu hodi arranka hosi pelumenus empata.


Hosi sorin seluk, Villarreal sai terseira derrota ba Athletic Bilbau, hafoin halakon iha ninia uma formasaun basca, 3-1, ho golu hosi Bruno, Mário no brazileiru Baptistão. Aduriz reduz ba forasteiru iha minutu deskontu ninian.


Ho Bebé sai titular, Rayo Vallecano maka manán 1-0 iha kampo Las Palmas, enkuantu Deportivo, ho Luisinho hodi tama ba iha segunda parte, hanesan surpreza ida iha ninia terreno hosi Sporting Gijón, 3-2.


SAPO TL ho SAPO Desportu