Suar hosi inséndiu iha Indonézia preokupa pilotu sira hosi GP Singapura Fórmula 1 nian

Suar sira hosi inséndiu nebe akontese iha Indonézia bele halo "risku todan" ba saúde pilotu sira nian nebe sei hala'o Grand Prix Formula 1 iha Singapura, hatete hosi Jenson Button iha loron-kinta ne'e.

 

EPA@ Hans Klaus Techt


Pilotu britániku afirma ona, hafoin halo treinu livre dahuluk sira, katak problema prinsipal ida maka "mehar durante prova", maibé nia alerta mós ba komplikasaun sira seluk saúde nian iha prazu médiu.

Organizadór sira hosi GP Malázia, hosi kalendáriu dala 13 mundiál fórmula 1 nian, katak sira haree daudaun nível poluisaun ár nian, nebe di'ak oituan iha oras ikus ne'e, liuliu tanba udan nebe maka'as.

Maibé, responsável sira ba prova ne'e hatete katak iha posibilidade atu situasaun ne'e bele muda derepente.

Iha semana rua ikus ne'e, akontese iha Indonézia inséndiu iha ai-laran sira nebe akontese tanba ema halo sunu ilegál no halo ona governu dekreta estadu emerjénsia iha provínsia ida.

Inséndiu sira halo ona kalohan suar nian nebe suar to'o ba nasaun viziñu sira.

Ahi sira ne'e balun mosu hosi sunu ilegál sira nebe halo hodi "hamoos" área balun ba produsaun óleu palma nian, seluloze no surat-tahan.

ho Lusa